ماتسيبش نفسك لجروحك

[walaa farouk]

يا شباب .. ابليس دلوقتي مبيهزرش مع الجروح
هو عارف ان ده اكتر زمن الكل فيه مجروح
بشكل مش طبيعي وخاصة الشباب والشابات
واكتر الاوقات اللي الاكتئاب انتشر فيها بشدة .
. فبيصطاد المجروحين ويستلمهم
ويحط قدامهم ادوات يظنوا فيها انها هتداوي جرحهم ..
بيحطهم قدامه بالترتيب حسب اولويات
واهتمامات الشخص (علاقة عاطفية ،
علاقة جنسية، مخدرات ..الخ) ..
و يخلص مرحلة يدخل علي مرحلة بعدها والشخص
وقتها بيظن ان ده مخرج للجروح
وميعرفش انها مجرد مخدرات هتسكنه
وتفرحه لفترة ويرجع بعدها بجروح ١٠ و١٠٠ ضعف الجروح الاولي .. وتتحول لاداة سهلة في ايده زي فار التجارب .

وكل كام يوم بنسمع عن حالات انتحار بعد اكتئاب شديد .
. غير الاف الرسائل الخاصة علي painbook
وعشرات الصفحات العامة ..
من فضلك ماتسيبش جروح جواك تاكل فيك
لانها هتكون مدخل قوي لتدمير حياتك ..
من فضلك مهم تستعين بمرشد قوي ناضج ومقاد بروح الله .
. او مشيرين علي مستوي عالي من النضج والوعي
.. او اطباء نفسيين حقيقيين وتعليمهم حقيقي وافكارهم سليمة .

مش عيب لما تلجأ لدول .. ومحدش فينا كبير علي ده ..
الناس دول هيساعدوك انهم يغذوا منطقة الوعي عندك
بتعاليم وافكار حقيقية وسليمة ..
مش هتلغي مشاعرك المجروحة
ولا هتنسف اكتئابك لكن هتساعدك في رحلة الحياة
انك تشوف بشكل صح .. تشوف الموت بشكل صح
تشوف الفقدان بشكل صح تشوف الالم
علي حقيقته تشوف العلاقات ..
يعلموك ازاي تتعافي من جروح صعبة في حياتك .

حتي لو مش قادر تروح كنيسة ومابقتش حابب
ولا لاقي نفسك وشايف انهم مزيفين ..
مهم تعرف ان مستحيل يكون كله كدة
لازم هتلاقي ناس حقيقيين اصحاء وواعيين يرشدوك
وياخدوا بايدك .. او علي الاقل ادخل علي صفحاتهم
او الصفحات اللي شايف فيها محتوي حقيقي واكتب في الرسايل وفضفض بكل اللي جواك ..

اطلب المساعدة
ماتسيبش نفسك لجروحك
متلجأش للمخدرات بانواعها (حتي العلاقات)
غذي دايما الوعي وواجه بيه مشاعرك
إلجأ لمرشدين مقادين بروح الله
لو لزم الجأ لاطباء نفسيين عندهم علم حقيقي

محدش كبير علي ده .. اعظم القادة والاطباء
والاباء والادباء والخدام بيلجاوا لده وبيطلبوا المساعدة ..

(( يا أبي تحنن علي أبنائك الشباب والبنات المجروحين والمطروحين بلا راعي لهم .. فهم غلابة !!! ))