حسنا قولتي

[walaa farouk]

عارف احساس النور بعد الضلمه .. الحلاوه بعد المراره ..
الفرح بعد الحزن .. الحريه بعد القيود .. الطهاره بعد النجاسه ..
النقاوه بعد التلوث .. التمسك بالمسيح بعد الخطيه .. الفخر بعد الندم ..
الأمل بعد اليأس .. الراس المرفوعه بعد الانحناء ..
كل ده و أكثر حسيته السامريه في كام دقيقه بس !!!!
طب ازاي متكسفتش .. ازاي فرحت بعد كل ده !!؟
-لان السيد المسيح ركز علي مشاعرها قبل اي حاجه
(حتي وهي زانيه يارب اه يابني حتي و هي زانيه)
ومجرحهاش بكلمه واحده وعايرها بأنها زانية ..
بالعكس ده حضنها بحنانه .. ضمها بألفاظه المريحه ..
حتي لما جه يكشفها قدام نفسها قالها "اذهبي وأدعي زوجك ،
فقالت ليس لي زوج ، فقال لها حسنا قولتي ليس لكي زوج
لأنه كان لكي خمسة أزواج والذي لك الآن ليس هو زوجك هذا قلت بالصدق" .
. خلاها تعترف بخطيتها وتتوب في دقائق وفي نفس الوقت خلاها كبيره في نظر نفسها ..
-يعني أنت يارب بدل ما تاخد الناس اللي بيحبوك عشان يبشروا بيك
جي تاخد واحده زانيه مكنتش تعرفك اصلا اه يابني "
لأني لم آتي لادعو ابرار بل خطاه الي التوبه"(متي ٩: ١٣) ..
وكانت النتيجه ايه يارب .. جابتلي مدينه بحالها !!!

احنا محتاجين نتعلم نبطل نعاير بعض بعيوبنا ..
نتعلم من السيد المسيح آداب الحديث ، الستر ،
ندور في الخدمة علي اللي الخطية غمرته ..
ونتعامل مع أي حد مهما كانت خطيته وعيوبه وسمعته سيئه بأنه أفضل مننا
منجرحش حد بلفظ ملوش لزمه لأن مفيش حد مبسوط بخطيته
بالعكس ساعده وشجعه انه يبطل الخطيه دي
وخليك سلمة في طريق ملكوته بدل ما تزود عليه ويضيع اكتر بسببك!!
.. واتعود تشكر ربنا دائماً علي نعمة الستر ..
فليعطينا الله فرحة وانطلاق السامرية بعد حُسن قولها .. 💖

[Mary Naeem]

واتعود تشكر ربنا دائماً علي نعمة الستر ..
فليعطينا الله فرحة وانطلاق السامرية بعد حُسن قولها

مشاركة جميلة جدا
ربنا يبارك حياتك

[walaa farouk]

ميرسى على مرورك الغالى