انت القيروانى البطل

[walaa farouk]

النهاردة أنا عاوز أشكر كل قيرواني.....
عاوز أشكر كل قيرواني شال الصليب مع المسيح
ومشي معاه رغم #تعييرات_العالم اللي إتريق عليه
لإنه مكمل عكس التيار وماشي بالوصية والإنجيل.....
عاوز أشكر كل قيرواني إحتمل تقل العذاب وجاهد ضد #خطيته_المزمنة
وسقط وقام وسقط وقام وفضل يقوم كل مايسقط
وهو متأكد إن المسيح ماشي معاه ومش سايبه وحيد....
عاوز أشكر كل قيرواني صبر على طريق #الظلم #والألم #والتجربة
وهو عارف إن المسيح ماشي معاه وسط الظلم والألم والتجربة...
عاوز أشكره لإنه واثق إن فعلاً فيه قيامة حتى لو الظروف طالت والتجربة إشتدت.....
عاوز أشكر كل قيرواني بيعافر علشان #يكتشف_وزناته
وبيخربش في الصخر علشان يتاجر بيها ويكسب....
حتى لو فشل بيقوم ويحاول تاني وتاني وهو عارف إن المسيح ماشي معاه في الطريق
ومش سايبه....
عاوز أشكر كل قيرواني إحتمل #مرض و #وجع #وأنين لسنين طويلة
بشكر وجلد وهو عارف إن القيامة جاية جاية مهما كانت النتائج لإن المسيح معاه في الطريق.....
إلى كل قيرواني مشي في طريق الجلجثة مع المسيح بشكر....
إلى كل من جاهد ضد خطيته رغم السقوط ورجع وقام....
إلى كل من إحتمل الظروف القاسية والتجربة التقيلة والظلم البشع....
إلى كل من شكر في ألم و حزن وضيق و وجع قلب....
إلى كل شخص مر في الطريق المُر دة وهو واثق إن المسيح معاه حتى لو الرؤية مش واضحة..
... إنت بطل وتستحق إكليل.... إنت قيرواني شجاع...
. سيدك ماشي معاك حتى لو إنت مش شايفه.... شايل معاك وجعك وحاسس بيك....
صدقني إنت بطل....
#إنت_القيرواني_البطل
#إشكروا_الرب_لإنه_صالح

[Mary Naeem]

سيدك ماشي معاك حتى لو إنت مش شايفه.... شايل معاك وجعك وحاسس بيك....
صدقني إنت بطل....

مشاركة جميلة جدا
ربنا يبارك حياتك

[walaa farouk]

ميرسى على مرورك الغالى