زوادة اليوم: آثار المسامير

[souad jaalouk]

زوادة اليوم: آثار المسامير

بيخبرو عن شب كانت أخلاقو صعبة، ويحكي كتير عن الناس. طلب من بيّو يساعدو وسألو كيف لازم يوقّف هالعادة السيئة.
قلّو البَي: «عندي نصيحة إلك، خود هالمسامير، وكل مرّة بتعصّب دِق مسمار بتصوينة الجنينة». أوّل يوم دق 50 مسمار، تاني يوم 40، وصار العدد يقل حتّى ما عاد دق ولا مسمار.
إجا لعند بيّو وشكرو على هالنصيحة. جاوب البَي: «هلّق كل مرة بتعمل عمل خير مع حدا، روح شيل مسمار من محلّو». ومن بعد ما شال كل المسامير، رجع عند بيّو وخبّرو شو صار معو، أخدو البَي بإيدو ودلّو ع آثار المسامير وقلّو: «هيك الكلام الجارح بيترك آثار بالناس من الصعب إنّو نمحيها».
الزوّادة بتقلّي وبتقلّك:
«بكلمة بتقدر تجرح إنسان وتترك أثر أكبر من أثر السكّين، خلّيني أنا وإنت نتذكّر القول يلّي بيقول جرح اللسان أقوى من جرح الأبدان».

[walaa farouk]

ميرسي على زوادة اليوم

[Mary Naeem]

«بكلمة بتقدر تجرح إنسان وتترك أثر أكبر من أثر السكّين، خلّيني أنا وإنت نتذكّر القول يلّي بيقول جرح اللسان أقوى من جرح الأبدان».

ميرسي على زوادة اليوم

[souad jaalouk]

ألف شكر على المرور الغالي أخوتي الأحباء بركة الرب يسوع تكون معكم دائما