زوادة اليوم : زيارة الأديرة

[souad jaalouk]

زوّادة اليوم:
مين منّا ما بيروح من وقت للتاني يزور اديِرة القدّيسين...
اذا صفّيت سيارتك شوي بعيد بتقول تعبت بوقت بتشوف ناس ماشية حافية مسافات طويلة و ناس عالكرسي المتحرك حدا عم يمشّيهن طلعة او نزلة مش فارقة معن المهم يوصلو. بتفوت 10 دقايق بتعمل برمة كأنّك مبرمج انّو لازم زور هون و هون و بتفلّ بوقت بتشوف ناس نايمين من قبل بيوم و عم يتأمّلو كل تفصيل حولن كأنّن اوّل مرّة بيجو ههالمطرح. بتفوت بتصلّي مرّة ابانا ومرّة السلام و بتروح بوقت بتشوف ناس ما بتوقّف صلا و ما بتزهق تعيد و تعيد و تعيد...بتكون جايي و حامل بقلبك نوايا و افكار و طلبات و هموم زغيرة و كبيرة حابب تخبّر عنّا هالقدّيس بس لمّا بتتطلّع حولك و بتشوف ناس مرضى، ناس عم تبكي، ناس مشاكلها اكبر بكتير من خناقة مع حدا بتحبّو او مشكلة مادية مارق فيا او صعوبات بالشغل بتنسى شو كنت جايي تقول و بتصير تصلّيلن الن...بس تفكّر بغيرك ربنا بيفيض نِعَمو عليك بلا ما تطلب حتّى...الله معكن

[Mary Naeem]

بس تفكّر بغيرك ربنا بيفيض نِعَمو عليك بلا ما تطلب حتّى...الله معكن
ربنا يبارك حياتك

[walaa farouk]

ميرسي على زوادة اليوم