نِهَايَةُ أَمْرٍ خَيْرٌ مِنْ بَدَايَتِهِ"

[walaa farouk]

الدنيا مِلَطَشَة معاك؟
ماتزعلش لو الدنيا لطشت معاك
او كانت البداية فيها متاعب
مش معنى ان البداية فيها مشاكل معناها ان كل الطريق هايكون مشاكل
مش معنى ان البداية فيها جهاد وتعب معناها ان طول حياتك هاتكون كدا
في سفر الجامعة يقول الحكيم (جا 7: 8): " نِهَايَةُ أَمْرٍ خَيْرٌ مِنْ بَدَايَتِهِ "
افتكر ايوب لما الدنيا لطشت معاه كتييييير اوي لكن نهايته كانت مليانه خير
يوسف كمان الدنيا لطشت معاه كتييير بس نهايته كانت مليانه خير عمره ما كان يحلم بيه.
مش كدا وبس، حتى لو كنت انت نفسك ملخبط من جواك مش ده المهم لكن المهم هونهايتك هاتكون ايه طالما انت بتجاهد وبتحاول.
ممكن النهارده تكون عايش في الشر لكن مين عارف انت بكره هاتكون ايه ؟
موسى الاسود كان شرير لكن نهايته كانت مختلفة كتييير.
بلاش تحط عينك على المرار اللي انت فيه وتنسى الخير اللي ربنا شايلهولك.
ممكن تحط اي ام قدام عينيك كمثل حي.
الام تفضل في تعب والم مدة 9 شهور لكن اللي بيخليها صابرة على كل ده هو الخير اللي ربنا هايبعتهولها بعد الالم.
وانت كمان ثق طالما بتعمل اللي عليك بكل امانه وعندك اتكال على ربنا فحتى لو الدنيا لطشت معاك في البداية لكن النهاية هاتكون افضل ليك بكتيييير.
وثق زي ما انت تعبت في الزراعة ربنا هايبارك محصولك وهاييجي الوقت اللي تحصد فيه ثمار تعبك. وافتكر دايماً ان " نِهَايَةُ أَمْرٍ خَيْرٌ مِنْ بَدَايَتِهِ" (جا 7: 8).

[Mary Naeem]

وثق زي ما انت تعبت في الزراعة ربنا هايبارك محصولك وهاييجي الوقت اللي تحصد فيه ثمار تعبك. وافتكر دايماً ان " نِهَايَةُ أَمْرٍ خَيْرٌ مِنْ بَدَايَتِهِ" (جا 7: 8).

آمين يا رب

[walaa farouk]

ميرسى على مرورك الغالى مرمر