|
 |
 |
 |
|
رقم المشاركة : ( 1 )
09 - 02 - 2018, 12:17 AM
|
|||||||||||
|
|||||||||||
 ممكن تحضني ؟؟... ، ياه عالكلمة دي اما تكون في عز مشاكلك و الدنيا ملخبطة من حواليك، و تحتاج حاجه بسيطه اوي فالدنيا اسمها ( الحضن )، تقريبا فالوقت ده الانسان بيكون في اضعف حالاته، لا منها عايز يبين ضعفه لاي حد، و لا منها قادر يستحمل يواجه كل اللي جواه من صراع نفسي و ذكريات مؤلمة، و ما بين مشاكل الحياة اللي بقت بالفعل كل يوم اصعب من اللي قبلة ... سعتها كل اللي بيجي فبال الانسان ده هو ( الحضن ) ... و للاسف في مجتمعنا الشرقي التعبير عن الحب بقي من انواع الجرائم، اللي هو عيب لو حضنت حد وحشه اوي فالشارع، و عيب لو بوسة حد و لو حتي علي جبينه في الشارع، بنحاول نقتل كل ما هو أدمي و يميزك عن الجماد مش هقول الحيوان، لان احيانا الحيوانات هيا الي بقت تدي تدروس للبني ادمين فالحب و الرحمه و الاحتواء .. اصبحنا نعيش في مجتمع يبيح الجرائم و التحرش و كله يقف متكتف اما يشوف حاجه غلط قدام عنينه، بس لو شافوا اتنين ماسكين ايدين بعض، ياه ايه قلة الادب دي، هما ازاي ماشيين كدي، و تلاقي كله بينهش في لحمهم بس بنظراتهم ... و للاسف في ناس كتير بقت ما هيا محتاجة اوي الحضن، سواء كان حضن من اب او ام، من اخ، حبيب/ حبية، زوج، زوجة، صديق / صديقة، بقت تحاول تدور عالحضن ده فاي شيء تاني المهم متبينش لحد الضعف ده .. شايفين وصلنا لدرجة ايه , اننا بقينا شايفين انه ضعف اما اقول لحد انا تعبان/ تعبانه اوي محتاج/ محتاجة لحضنك اوي .. و مش معني كلامي ان انا اشجع علي حاجه غلط اي كانت انها تتفق او لا تتفق مع مجتمعنا، بس احتياجنا احيانا للسند و الحب بنبقي شايفينه شيء عيب و ازاي اطلبه و احنا مقتنعين ان اسمي شيء فالدنيا دي كلها هو الحب << الحب هو الشيء الوحيد اللي ممكن يغير العالم بأكمله >> ... و للاسف اما الحضن ده بيغيب بيحصل حجات كتير زي ما نوهت، الانسان بيبتدي يدور علي حاجه تعوضه الحضن ده، يا هيكون سعيد الحظ و يلاقيها لحد ما يفوق من وقت ضعفه ده، يا اما بيكون سيء الحظ و يبتدي يدور علي حجات تانيه غلط تخدر مشاعره لمجرد انه مش عايز يحس اي وجع و يمشي في متاهة ابعد ما للي كان فيها بالفعل ... من فضلكوا احضنوا ببعض، و علي فكره مش دايما بيكون الحضن شيء مادي يعني اتنين يتلامس اجسادهم ببعض .. يعني مثلا الزوج / الزوجه : مفيش اي مانع انكوا تحضنوا بعض جسديا، مفيش اي مانع انكوا فوسط الاسبوع بدون مقدمات تنذلوا تتمشوا مع بعض ماسكين ايدين بعض زي ما كنتوا بتعملوا ففتره اللهفه و الشوق، ليه يتخلوا الدنيا تضحك عليكوا بماشكلها و تخليها تمشيكوا فدوامة الهم و الغم، امال انتوا اتجوزتوا ليه مش عشان تهونوا عن بعض و تكونوا سند لبعض .... مفيهاش حاجة بردوا لو جيت فيوم لزوجتك و قلتلها انتي تعبانه النهارده كفايه شغل البيت تعالي نتعشي بره، ولا انا هعملك الاكل النهارده و لا اي شيء يحسسها انك فعلا بتقدر مجهودها و لو بكلمة حلوه .. و انتي مفيهاش حاجه لو فيوم كان نفسك في شيء معين و جوزك معملهوش مش لازم تحسسيه دايما بالتقصير، خديه فحضنك فعز ما تحسي ان عليه ضغط شغل و متساليهوش مالك، الراجل عامة مش بيحاول يتكلم و يشكي و قت تعبه، بيبقي محتاج بس يحس ان في حد جمبه و حاسه و هو لوحده هتلاقيه بعد ما يهدي يحكيلك زي الطفل الصغير، احضنيه باحساسك ليه و احتواءك و مش الست بس اللي بتحتاج احتواء الراجل كمان علي فكره ... الحبيه / الحبيبة : انا مش هقول احضنوا بعض و ان كنت شايف ان الحضن ده من ارقي التعابير عن الحب لما يكون علاقه فعلا نقية و صافيه مش علاقه شهوانية، و لكن انتوا تقدروا تحضنوا بعض بالاهتمام ، بالابتسامه بنظره العين وقت السكوت .. بكلمة انا جمبك متخفش/متخافيش من شيء طول ما احنا جمب بعض، الكلمه دي هطمن اوي .. افتكروا دايما انكوا عايشين عشان وعد لازم يتحقق لان ده حلمكوا، بلاش دايما تضيعوا اجمل وقت من عمركم في مشاكل تافهة، لانكوا ممكن تدمروا اي علاقه مدتها سنين بحجات تافهه، و اما يمر السنين عليكوا هتفتكرواها و تقولوا ياه، احنا ازاي كنا تافهين اوي كدي ... لان كل واحد مش بيفكر انه يكمل التاني و يبقي كل همه ان يرسم ابتسامه جوه قلبه قبل شفايفه، لكن كله بيفكر في الأنا و الذات .. يمكن حبيبتك محتاجه حضنك زي حضن الأب، بجانب انك حبيبها، تخاف عليها تصونها، تحسسها انها شغلك الشاغل و لو بالحجات البسيطه و هيا المشاعر و الاحتواء بكل ما تملك من حب تقدمهلها .. يمكن حبيبك محتاج لحضنك كحضن الأم اللي مش عيب ابدا تكوني فيوم مالايام بتديله حنان الأم لانك فالاخر هتكونوا حبيبته و زوجته و اخته و امه و كل حاجه حلوه هيلجئلها، الراحه اللي هيجيلها و قت التعب، فبلاش تكوني انتي التعب نفسه ... احضن اللي متعرفوش : زي ما قلت مش لازم تحضن حضن جسدي، بس ممكن اما تلاقي حد محتاج كلمه حلوه تقولهالوا مش هتخسر حاجه، حد محتاج مساعده هتقدر تعملها ساعد متبقاش واخد موقف المتفرج في كل، ان شالله لو قطه فالشارع حتي حسيت انها جعانه مش عيب انك حتي تشتري اي حاجه انت واقف و تدهالها، كل ما قدرت تحس باللي حواليك كل ما هترتقي اكتر و اكتر في مشاعرك، هيطلق عليك لقب ( انسان ) و ليس بني ادم ... و لو كنت وحيد مش لاقي الحضن ده، افتكر دايما ان اللي خلقك مش ناسيك، و ان كان بعد عنك ناس كتير كنت فاكرهم انهم بيحبوك، فهو عايزك تكتفي بيه هو، و تحس بوجوده اكتر في حياتك، و ان هو السند الوحيد اللي لا يمكن يخذلك، و ربنا دايما بيهمس فودنك و يقولك يا ابني/ ابنتي انا بحبك و هفضل جمبك، يمكن تكون الناس دي هتبقي سبب اذيه ليك و انا عايز اكون السند الوحيد ليك  و يمكن يكون حرمك من حاجه مهمه اوي، و محتاجها عشان تديها لغيرك، لانك هتكون اكتر حد هيحس بالشيء اللي اتحرمت منه، و هو الحب و الاحتواء ... احضنوا بعض ولو بالمشاعر و الكلمة الحلوة ... 
|
|
09 - 02 - 2018, 11:29 AM
|
رقم المشاركة : ( 2 ) | ||||
|
† Admin Woman †
|
رد: احضنوا بعض
احضنوا بعض ولو بالمشاعر و الكلمة الحلوة
صح يا قمر ربنا يباركك حببتي |
||||
|
|
|
09 - 02 - 2018, 07:57 PM
|
رقم المشاركة : ( 3 ) | ||||
|
..::| الإدارة العامة |::..
|
رد: احضنوا بعض
ميرسى على مرورك الغالى مرمر |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| احضنوا الأيام لتجري من ايدينا |
| احضنوا شجعوا حببوهم في بيت ربنا |
| احضنوا بعض ولو بالمشاعر و الكلمة الحلوة |
| احضنوا ابناءكم |
العرض العادي
