|
 |
 |
 |
07 - 12 - 2017, 07:55 AM
|
رقم المشاركة : ( 61 ) | ||||
|
..::| الاشراف العام |::..
|
رد: كنزك فى ولادك ...........
 نصائح تربوية مهمة جدا جدا 1- الموبايلات والتاب والتلفزيون ساعه في اليوم مقسومه على مرتين لان دا بيأثر ع التركيز مهما كانت الاستفاده 2- العياط ملوش عقاب يعني مينفعش تزعلي منه انه بيعيط .. العقاب ع الخطأ بس والتصرف السليم مع العياط التجاهل مهما كان المكان والناس اللي حواليكي . يعني يعيط سيبيه يعيط ولا تقولي بس ولا تحاولي تراضيه ولا تسهيه ف حاجه تانيه ولا تقوليله هزعل منك ولا كده عينك هتوجعك مفيش اي كومنت ولما يخلص عياط متلمهوش ع العياط ولا نقولي انا زعلانه انك عيط.. العياط دا تعبير عن الشعور مش خطأ 3- قبل الخروج لازم يكون فيه اتفاق على اللي هيحصل دا هيقلل المشاكل يعني احنا رايحيين كارفور انهارده هنجيب حاجات للبيت وانت هتجيب حاجه واحده وهنلعب لعبتين بس .. لو وافق اوك اعترض يبقى خلاص مش هنخرج واللي اتفقنا عليه مش هيتغير مهما حصل 4- ممنوع الاطفال تنام ف نفس الاوضه مع الاب والام بعد سنه 5- ممنوع يدخولوا الحمام معانا او يشوفوا الام والاب اثناء تغيير الهدوم 6- الطفل لو عمل حاجه غلط قدام حد مينفعش توجه قدام الناس بتاخده ع جنب او ف اوضه تانيه وتعرفه غلطه ولو غلط ف حد برضه متزعقلوش قدام الناس ع جنب وتوجهه وبعدين تطلعه يعتذر 7- متعمليش حساب لاي حد ع حساب ولادك ، لو وسط مول وسط اهلك ف تاكسي اي حاجه تعملي الصح بغض النظر عن الناس متقوليش هسكته مثلا باي حاجه عشان الناس .. الصح يتعمل تحت اي ظرف 8- متخليش ولادك مكتفيين 100%مش كل حاجه عندهم مش كل حاجه عاوزنها يجي لان دا ممكن يوصلهم للسرقه لانهم لما يشوفوا حاجه مع حد مثلا ومش عندهم هيمدوا ايدهم وياخدوها لانه متعود معاه كل حاجه عاوزها 9- لازم وهما بيلعبوا يعرفوا ان في مكسب وخساره ولو رفضوا متلعبيش معاهم او وقفي اللعب. 10- ممنوع ياخدوا اي لعبه من عند حد وهما نازلين وممنوع تدي اي لعبه من لعبهم لحد حتى لو بموافقتهم لانهم بعد كده هيشوفوا ان عادي ياخدوا من عند حد طالما الناس بتاخد منهم. 11- لما يجيلك حد متطلعيش كل اللعب هتختاري معاه كام لعبه يلعبوا بيها وتشيلي الباقي وهتتقفي معاه انه هيلعب مع الضيوف باللعب ولو رفض يبقى خلاص متلعبش وهما هيلعبوا لوحدهم 12- مينفعش نقول هقول لبابا لما يجي وبابا هيزعق ، دا غلط جدا انتي كده بتلغي شخصيتك معاه لازم يسمع كلامك زي ما بيسمع كلام بابا ويعملك حساب زي بابا |
||||
|
07 - 12 - 2017, 08:12 AM
|
رقم المشاركة : ( 62 ) | ||||
|
..::| الاشراف العام |::..
|
رد: كنزك فى ولادك ...........
 عزيزتي أم رجل المستقبل عشان تربي راجل بجد يعرف يفتح ببت مش مجرد ذكر للتزاوج 1- متتكلميش مع ابنك بالزعيق والشخط .. هيبقى صورة منك وهيبقى أسلوب حياته .. وأول واحدة بيتعلم يشخط فيها أنت وتاني واحدة مراته اللي لا حول لها ولا قوة غير بلاها بيه ✌ 2- متضربيش ابنك باديك أو أي حاجة .. بتربيلنا طاقة غضب كامنة جاهزة للانفجار في الخناقات معاك وفي الشارع ومع أهل بيته في أي وقت ✋ 3- علميه من صغره "يقولك يا حبيبتي" وكلمة "بحبك "و"وحشتيني" ❤ 4- لما يجي عيد او مناسبة حلوة قوليله أنا زي كل الستات بحب الورد .. وافرحي أما يجيبلك ورد ..عشان تعلميه يهادي بالورد ... لقد اصبحت الجملة الطليقة على ألسنة الستات المصريات "مبيجبليش وردة" 5- لما تختلفوا قبل أما تناموا .. روحي اتكلمي معاه بالراحة ضبطي معاه الدنيا ... علميه مينامش وبينه وبين اللي عايشين معاه في البيت خلاف ✌ 6- لله وللوطن اعتذري لما تغلطي في حقه وعلميه يعتذر ... لقد سئمنا من بلاء الرجل اللي نفسه عالية الذي لا يعتذر 7- بلاش العتاب واللوم والملامة مع كل غلط على الفاضية والمليانة... خلي فيه مساحة من الخطأ والتسامح بعد الاعتذار عن الخطأ ... علميه التسامح 8- مش لازم تبقى دراكولا وأنت بتستقبلي وبتحلي المشاكل .. عشان متربلناش دراكولا تاني ..اهدي شوية عشان تعلميه هدوء وحكمة التصرف .. ومتقبليش منه الصوت العالي في أي مشكلة .. وقوليله الستات مبنتكلمش معاهم كده حتى لو غلطانين 9- علميه يلبس لبس مهندم في البيت .. مش طول النهار قاعد بالفانيلة والبوكسر ... لقد أصبحت الفانيلة البيضاء أسلوب حياة الرجل المصري كأنه قاعد في مستشفى بيونيفورم 10- قوليله اختار مكان فسحني وأكلني ايس كريم ومشيني شوية ... مش أنت اللي تعمليله كده ...عشان يتعلم يعمل كده مع بنت الناس اللي هيتجوزها 11- علميه ان البيت عشان يشارك اللي موجودين في حياتهم .. خلي فيه حاجات مشتركة بتعملوها سوى حتى ولو تقطيع البطيخ .. عشان ميبقاش البيت بعد كده أكلة ونومة وقاعدة على النت ودمتم 12 - علميه لما يلاقي نفسه متضايق يعمل حاجة يتخلض بيها من ضيقه (جيم - مشي - رياضة - لعبة - تليفزيون - بلاي استيشن ....) المهم ميطلعوش على اللي حواليه 13 - احضني ابنك وبوسيه .. ولما يكبر شوية ويقولك هاتي بوسة ولا يجي يعاكسك ولا يحضنك متقوليلوش امشي يا واد من هنا ... سيبيه يحضنك ويبوسك وانبسطي بتعبيراته ..متقفلهوش .. متقفلهاش للي جاية وراكي 14- اسمعيه أما يتكلم وعلميه يسمع 15- أما يجيبلك طلبات ولا يعملك حاجة اشكريه عشان يستمر ... وقوليله لو كل الناس في حنيتك كده كانت الأمهات كلها بقم سعده ومبسوطين 16- بلاش الكلام عن أبوه بطريقة سلبية ولا تنمرية ولا استحلافية حتى لو مش طايقاه ومطلع عنيك.. بتكرهيه في الستات والجواز وسنينه 17- بلاش الحلفان المتحكم والمسيطر واللي أقوله لازم يتسمع ويتعمل ... بتربيلنا بسي سيد نكدي بالدرجة الأولى 18 - صبحيه بكلمة حلوة وعلميه يقول الكلمة الحلوة على الصبح 19- سيبيه يفرح وينبسط في البيت و افرحي معاه .. مش عيب ولا حرام على فكرة ..كفاية نكد 20- ألعبوا سوى ..وهو صغير وهو كبير ... اللعب مش حرام برضه ..عشان تعلميه يلعب مع أهل بيته بلاش تربي رجل يبقى ابتلاء في حياة مراته وولاده متخليش بنت الناس اللي هتتبلي بيه تدعي في يوم عليه وعلى اليوم اللي عرفته فيه وعليك كفاية صوت عالي وزعيق وشخط وعصبية وخناقات .. ده أصبح طريقة وأسلوب الناس في التعامل في كل حتة وكل مكان وأصله تربية أم الرقي والهاي كلاس أسلوب وطريقة تعامل مش مراكز ومناصب وبرستيج لقد هرمنا وهرم المجتمع وبنات الناس |
||||
|
03 - 01 - 2018, 07:41 AM
|
رقم المشاركة : ( 63 ) | ||||
|
..::| الاشراف العام |::..
|
رد: كنزك فى ولادك ...........
 التربية_الجنسية للاطفال من سن يوم الى سن 3 سنوات ***************************************** الطفل فى السن دى بيكون غير مميز يعنى لا يعقل ولا يميز بين الصواب والخطأ والأم بتعتبر هى المسؤلة عن رعايته بشكل كامل وهنا بننتبه لعدة نقاط منها اللى بيخص الام ومنها اللى بيخص الطفل نفسه ارشادات هامة لكل ام ................................... 1- لازم ننتبه جدا لعدم وجود الطفل فى غرفة النوم مع الاب والام وقت اللقاء الزوجى لان الامر ده له اثر سيئ جدا على الطفل وحتى زمان انتبهوا للامر ده كتير بتقول الام ان الطفل بيكون نايم او انه مش فاهم او انه مازال صغير وهنا هنقولها ان الطفل بيتأثر بكل ما يدور حوله حتى الاصوات الهامسة وقت اللقاء ده وثبت من خلال دراسات كتير و ابحاث تمت على اطفال عندهم بعض الانحرافات الجنسية انه من ضمن الاسباب تعرض الاطفال دول لتجارب جنسية مبكرة سواء بالمشاهدة او التنبية المبكر لمناطق الاثارة فى اجسامهم وبسهولة هنلاحظ بعض المشكلات دى على سلوك الاطفال هنذكر بعض الامثلة أ – محاولة تقليد اللى شافه وده غالبا بيكون اثناء لعبة مع اطفال تانيين ب- عدم فهم الطفل للعلاقة وغالبا ما يتصور انها اعتداء وايذاء من الاب للام وكتير بيكون فى سوء فهم وبيبدأ الطفل يتعامل مع الاب بشيئ من الغيرة والكراهية احيانا ج- بعض العقد النفسية مثل ( عقدة اوديب / عقدة اليكترا ) اللى بيصاب بيها الاطفال وبتولد عندهم تعلق زائد باحد الابوين وكراهية للطرف الاخر والغيرة منه واثار تانية كتير 2- يجب ان تنتبه الام الى عملية الغيار للطفل بحيث انها تتم بمعزل عن الاخرين لان دة بيربى الطفل اللى بنغير له على قيمة الحياء وانه يحافظ على خصوصيتة وانه مينفعش نخلى اى حد يشوف جسمنا حتى اخواتنا وطبعا كل ده بيستقر فى ذهن الطفل مع الوقت والتكرار وبيشكل وعى الطفل ويحمية من محاولات التحرش اللى ممكن يتعرض لها لان كتير من الاطفال متربوش على انهم يحافظوا على جسمهم ولا انهم يتستروا من الناس وقت الغيار او وقت دخول الحمام والافضل عدم رؤية الاخرين للطفل و يمنع حتى الاخوات ولو كانوا من الجنس من مشاهدة الطفل وقت الغيار او وقت الاستحمام لان التساهل فى الامور دى له عواقب 3- يجب ان تنتبه الام الى ان اى اثارة للطفل بيشعر بيها وبتأثر فية لان بعض الامهات اثناء الغيار للطفل ممكن تداعب اعضائه على سبيل ( الزغزغه ) وتلاقى للطفل استجابة بالضحك او الكف عن البكاء فتظن ان دى وسيلة جيده لاسكات الطفل طبعا دى عاده خطيرة جدا لانها بتنبه الطفل الى اثر المداعبة على الاعضاء دى وبيتجه بعد كدة لانه يداعب نفسة 4- يجب ان تنتبه الام ان هى فقط اللى تغير للطفل ملابسة وانها لا تترك الامر ده لاى شخص اخر وتنتبه الى انها قبل ما تترك الطفل فى الحضانة تكون مطمنه لمستواها وامانتها وتتابع الطفل دائما وتسأله عن يومة وهل عمل حمام ولا لأ وتحاول تفهم الدادة الطفل محتاج ايه يعنى بالضبط يعنى لو طفل اتعلم فى البيت انه يعمل حمام لوحدة بلاش حد يدخل معاه ولو محتاج بس حد يفكلة الحزام او يفتحلة زرار البنطلون يبقى الدادة تقوم بالمهمة وبس دى وتسيب الطفل بمفرده ولو طفل بيحتاج بس شخص يشطفه او او يبقى ندرب الطفل على اللى يقدر يعملة لنفسه علشان نقلل تعامل اى حد غريب معاه بعض الامهات بتظل تشطف الطفل وتغسل له حتى سن متأخرة جدا يعنى تتفاجئ بطفل او طفلة ست وسبع سنوات ويمكن اكبر والام لسة بتساعد او حتى تقوم بالتشطيف بالكامل وده غلط ارشادات للاطفال ............................... 1- تراعى الام ان تنبه على الطفل متى بدأ يفهم كلامها انه لا يدع اى شخص يرى جسمة او يلمسة 2- تنبية الام على البنت انها لا تجلس وهى مباعدة بين ساقيها يعنى تجلس وهى ضامة ارجلها لان لبس البنات غالبا بيكون فستان او جيب يعنى يكشف ما تحته بعكس الاولاد لبسهم بنطلون لا يكشف 3- تنبه الام على الطفل اللى بيذهب لحضانة انه محدش يدخل معه الحمام من الاطفال الاخرين وان داده فلانه فقط اللى بتغير له او بتساعدة 4- التنبية على الطفل انه هو كمان ميبصش على اى حد لو كان بيغير او بيعمل حمام مقولات غير تربوية ..................... 1- يغيروا سوا دول بنات زى بعض / دول ولاد زى بعض 2- ده ابنى / دى بنتى البس قدامه براحتى 3- الاولاد لسه صغيرين ومش فاهمين حاجة 4- البس براحتى ويشوفنى كده علشان يتعود لما يكبر وميبقاش فى حرج وغيره كتير من الكلام والمفاهيم اللى للاسف بتكون غلط وبتتسبب فى مشاكل بعد كده |
||||
|
25 - 01 - 2018, 09:05 AM
|
رقم المشاركة : ( 64 ) | ||||
|
..::| الاشراف العام |::..
|
رد: كنزك فى ولادك ...........
 امرأة تحت الإنشاء عندما وضعت زوجتى ابنتنا العزيزة .. قالت لى من فوق سريرها وهى لا تزال تحت تأثير المخدر ، قولاً لا زلت أتذكره حتى تلك اللحظة التي تخطو فيها ابنتي على عتبات الجامعة : ألف مبروك يازوجي .. لقد أصبح لديك الآن امرأتان .. واحدة جاهزة .. وأخرى تحت الإنشاء ..!! لم أنتبهً ساعتها لقولها .. ولم التفت لما قالت. كان كل همي الاهتمام بها ورعايتها لتتمكن من العودة في أسرع وقت إلى بيتى .. الذى رأيته أظلم منذ لحظة مغادرتها له ..! فلما فرحنا بإتمام أبنتنا عامها الأول .. كررت قولها لي : كل سنة وأنت طيب .. لقد أتممت لك اليوم وضع حجر الأساس لامرأتك التى تحت الإنشاء .. !! سألتها : وماذا تقصدين يا حبيبتي بامرأة تحت الإنشاء ؟ قالت لي وقد اعتدلت فى جلستها واتخذت جلسة الحكيم المتمكن : أن صناعة المرأة السوية تبدأ منذ اللحظة الأولى التى تولد فيها .. والأم العاقلة هى التى تعتبر طفلتها هى مشروع امرأة ناضجة ولكن تحت الإنشاء .. مشروع يحتاج - مثل كل مشروع - إلى رسم هندسى ومعمارى وهندسة ديكور وتجميل وصناعة وزراعة ، قبل أن يأتى يوم التجارة الرابحة .. حيث آوان التباهى بما صنعنا وزرعنا وهندسنا .. وهو بنيان كما ترى يستحق ما يبذل من أجله من جهد وعرق وسهر ليال .. فالمهندس الذي يخطيء في بناء عمارة سوف تنهار بسبب خطئه ، ثم يصدر قرار بوقفه عن ممارسة المهنة .. بينما المرأة التي تخطيء في بناء مشروعها الأنثوي ، سوف تفسد امرأة .. وتتعس زوجاً .. وتشقي أبناء .. وقد يطال الفساد مجتمعها بأسره . والمرأة الغبية هى التى تفترض أن صناعة المرأة لا تبدأ إلا عندما تظهر على جسدها دلائل الأنوثة .. حيث هي لا تعرف أن كل شئ له أوانه .. وأنه من يزرع فى غير الأوان قد لا يحصد إلا هشيماً .. وكما يقول المثل الإنجليزي الشائع ": It is better because it is in time " .. فلكل سلوك أوان لتعلمه ، لو تأخر عنه ما أمكن التعلم .. فالأسبوع الأول من الميلاد مثلاً هو للتعلق بالروح .. والأسبوع الثانى للتعلق بالأيدي .. والأسبوع الثالث للتعلق بالعينين .. والسنة الأولى هي للتعلق باللفظ .. والسنة الثانية للتعلق بالحركة .. والسنة الثالثة للتعلق بالتفاعل مع الآخرين .. والعشر سنوات الأولى هي للتعلق بالفكر .. والعشر الثانية للتعلق بالعواطف .. وبين كل تلك السنوات أيام وساعات لا تمر منها لحظة إلا وتتعلم المرأة " الطفلة " شيئاً .. تتعلم أن تحفظ نفسها وأن تحافظ عليها .. تتعلم ان تقترب من الآخرين بحذر وأن تبتعد عنهم بدلال .. أن تتجمل دون حاجة لأن تتعرى .. أن تحب جنسها وتتصالح معه ولا تعاديه .. أن تسمو باختلافها عن الذكر فلا تعاقر مشاعر النقص مبكراً .. أن تغلق باب حمامها من عمر عامين إلا على أمها .. أن تقرأ مبكراً نهم الغرباء إلى أنوثة الطفلة فيها .. أن ترفع شعرها عن عينيها فى خجل .. أن تبكى للخارج مرة وللداخل مرتين .. أن تتعلم كيف تحب نفسها أكثر مما يحبها الآخرون .. وأن تحب الآخرين ربما أكثر مما يحبون هم أنفسهم .. !! عند هذا الحد شعرت برعشة قوية تسرى في أوصالي .. وسألت نفسي في عجالة : أكل هذا علينا أن نفعله مع أبنتنا .. ؟؟ أتكون صناعة المرأة بكل تلك الصعوبة وتستغرق كل هذا الزمن .. ؟؟ وهل لاقت امرأتي من والديها مثل هذا الاهتمام .. حتى أصبحت على تلك الروعة التي أحسد نفسي على " امتلاكها " فى بيتى .. ؟؟ استطردت زوجتى .. غاضة الطرف عن لحظة التفكير التى أخذتني من حديثها لبرهة : وهل تظن أن المرأة الجميلة المثقفة العاقلة المتزنة الودود المشبعة لزوجها ، يمكن أن تكون صناعة تلك الشهور التى تلى خطبتها وتسبق زفافها وحسب .. ؟؟ ألا تعرف أن اشباع المرأة لزوجها هو سلوك له جذوره فى طفولة رضاعتها .. وأن حسن رأيها وجرأة مشورتها لهما أصول فى اجتماعيات طفولتها المبكرة .. وأن صمتها حين حديث زوجها وحديثها حين صمته هو أدب لا يصلح تعلمه بعد سن السادسة .. وأن صبرها على مطالب زوجها المتزايّدة هو سلوك لا تتعلمه إلا عندما تكون بجوار أمها فى المطبخ ، في تلك الساعات الطويلة التي يقضيانها يلفان ورق العنب أو ينظفان الطيور بعد ذبحها .. على أنغام دروس أمها التعليمية والتربوية .. !! أتستكثر يا زوجى بعد كل ذلك أن تكون طفلتنا هى مشروع " امرأة تحت الإنشاء " لا يحين وقت تسليمه لمن " سيسكنه " إلا بعد عشرين عاماً من البناء والتشييد والتجميل والتزيين والتأثيث ..؟؟ ألا تسعد عندما يصبح حفل التسليم مناسبة للشد على اليد وتقديم آيات العرفان لتلك " المهندسة " التى أشرفت على الإنشاء .. ولذلك " المقاول " الذى تابع صناعة المنشأة خطوة خطوة ..؟؟ ألست مقاولاً تمول الإنفاق وتتابع تنفيذ التوجيهات .. بينما أنا مهندسة تنفيذ " العملية " على النحو الذي أراده لها المقاول الناجح الشاطر .. ؟؟ !! cpd |
||||
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| فرحى ولادك ياعدرا ولادك زعلانين ❤ |
| ما هو كنزك الحقيقي؟ |
| أين تجد كنزك.؟؟؟؟ |
| أين تجد كنزك |
| أين كنزك؟ |
العرض العادي
