بس إحنا نستاهل حد ينحت ف الصخر علشانا ،
نستاهل حد لو الدنيا سابتنا يمسك هو فينا ويتبت ،
نستاهل حد نعيط ونخلص كل العياط ف حضنه ،
نستاهل حد يطبطب علينا حتى لو مفيش بأيده أي حاجة يعملهالنا مع كل كسرة بنتكسرها ،
نستاهل حد يراعي اننا متدغدغين من جوة فلما يلمسنا يحاسب علينا ويعرف ان اللمسة ساعات بتوجع لما بتكون لحد أصلا موجوع ومتكسر ،
نستاهل حد يقدر اننا شوفنا كتير أوي لحد ما قابلناه ؛ ولما قابلناه قابلناه واحنا تعبانين ومش قادرين خلاص نتحمل تعب تاني ،
نستاهل حد عنده استعداد يعالجنا من كل اللي غيره عملوه ف مشاعرنا وأرواحنا وسنين عمرنا ،
نستاهل حد يبقى عاوز يفرحنا عشان هو عارف ومتأكد اننا نستاهل نفرح بعد كل اللي شوفناه ف حياتنا ،
نستاهل حد ييجي على نفسه شوية ويحاول يحس بينا ويفهمنا ولما يفهمنا ميسيبناش ؛
نستاهل حد نكونله الوطن اللي بيحارب عشان يحرر كل جزء فيه من قسوة البشر والزمن بمنتهى الرضا والإيمان والاستماتة والحب .
_ يمكن مش أكيد اننا هنلاقي الحد ده ، بس الأكيد ان احنا نستاهل ...
