| |
|
|
|
|
|
||||||
|
|
أدوات الموضوع | انواع عرض الموضوع |
|
#1
21 - 01 - 2018, 05:53 AM
|
|||
|
|||
|
شو سرك يا شربل … كل ما اكون مضايقة والدنيي تسكر بوجي بترك العالم و ما بلاقي حالي الا وصرت راكعة عندك راكعة قدامك وعم احكيك عم صلي واطلب منك تعطيني القوة لأتحمل مشاكل هلدنيي لكبيرة بلاقي حالي عم إطلع فيك وعم احكي معك كأنك حدي وسامعني . ما بحسك بعيد ما بحسك غريب بحسك ماشي بدمي وعم بتنفسك بيمرق الوقت بلا محس بحس حالي بدي ضل حدك … عم احكيك عم صليلك واشكرك على كلشي اعطيتني ايا … كل ما اكون مضايقة بترك الدنيي وبطلع لعندك بطلع بطلب منك تقويني تأتحمل هلعالم بطلع بطلب منك تنورني ودلني عطريق الصح . شو سرك يا شربل … ما بلاقي حالي غير صرت عندك قلبي بوصلتي مش اجريي … راكعة وعم اطلب منك اشارة انك سامعني اشارة انك حدي … اشارة انك راح تستجبلي … اشارة انو هلعتمة السودا راح تمرق وتخليني اطلع اقوى… شو سرك يا شربل … يمكن انت ملاكي ملاكي الحارس يلي بعتلي اياتو يسوع تيسمعني ويقويني … ملاكي الي بفرجيني يوم عن يوم انو ايماننا بيقدر يهز جبال … بس نصلي ونثق انو ربنا سمعنا ويعطينا الي احنا بحاجة الو بلوقت المناسب . بتفرجيني يا شربل انو كل شي بصير لسبب … شربل انت … عتمة قلبي ضويت وفرجيتني انو بعد كل وجع في صحة بعد كل يأس في رجى بعد كل حزن في فرح وبعد كل موت في قيامة شربل انا بتنفسك انت بيي انت خيي وصديقي انت يا شربل حياتي كلها. - منقول -  
|
| أدوات الموضوع | |
| انواع عرض الموضوع | |
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| بقاعكفرا - مار شربل - المونسنيور والمياه العجائبية ! أعجوبة رائعة للقدّيس شربل | souad jaalouk | معجزات القديسين والقديسات | 3 | 18 - 06 - 2024 10:27 AM |
| ظهر عليه القديس شربل وقال له “أنا مار شربل من لبناني جايي اشفيك” | Mary Naeem | معجزات القديسين والقديسات | 2 | 26 - 08 - 2018 12:55 PM |
| عيد القديس مار شربل | souad jaalouk | سيرة القديسين والشهداء | 2 | 16 - 07 - 2018 12:58 PM |
| مار شربل | walaa farouk | صور القديسين والشهداء | 5 | 19 - 12 - 2015 08:33 PM |
| صور القديس شربل | Mary Naeem | صور القديسين والشهداء | 2 | 16 - 10 - 2014 07:58 AM |
العرض الشجري