|
 |
 |
 |
|
رقم المشاركة : ( 1 )
08 - 09 - 2017, 10:48 PM
|
|||||||||||
|
|||||||||||
|
بعد شغل دام أربع شهور متواصلين بدون اجازه يوم واحد حتى ، قررت الجهات العليا 😄 منحنا 15 يوم اجازه ... بسرعة البرق جريت حجزت تذكره ليا انا وصحبى فى أتوبيس الساعه 6 بالليل المتجه الى الصعيد .. وصلنا محطة الأتوبيس ،صحبى بيسألنى ماجبتش ليه أكل معاك ، قولتله لا خلينا خفيف أحسن ولو جوعنا فى السكه ناكل أى بسكوته ... وصل الأتوبيس فى ميعاده وركبنا ، بعد حوالى ست ساعات حسيت بالجوع القاسى ، بمعنى لو لاقيت أى حاجه قدامى هاكلها 😄.. نزلت استراحه ، وانا عامل حسابى هاجيب بسكوته وخلاص.. اول ما دخلت الكافيه شميت ريحة الكبده ، والسجق والكفته بصراحه ماقدرتش أمسك نفسى ... الريحه جذبتنى وكأنها سحر سيطر على كل حواسى. قولت لصحبى انا هاجيب ساندوتشات من دى ، قالى لا ياعم لحسن تكون فاسده ولا بتاع ، قولتله ياعم انت مش شامم الريحه وزحمة الناس اللى عليه ... قالى براحتك انا عن نفسى هاجيب اي حاجه مُغلفه ومضمونه .. سيبته وروحت جبت اربع ساندوتشات اتنين كبده وواحد برجر وواحد كفته .. قعدت على ترابيزه وجه صحبى ... بدأت اكل وانا مستمتع بالأكل وحاسس انه أحلى أكل .. صحبى بعد ما خلص أكل وشبع ، قالى هات ادوق كدا .. اديتله ومن اول قطمه ، ملامح وشه اتغيرت وكأنه اكل زباله ، قالى ايه ده يابنى ، ايه اللى بتاكله ده ، دا بايظ ؟ قولتله بايظ ازاى ياعم ماهو طعمه حلو اهو .. قالى انت بس عشان جعان مش قادر تميز الطعم ،وبتاكل وخلاص.. ماسمعتش لكلامه وفضلت اكل .. خلصت فترة الإستراحه وركبنا الأتوبيس ، وبعدها بحوالى ربع ساعه ، حسيت بسكاكين بتقطع فى بطنى ، فضلت مستحمل لغاية ما أغمى عليا ، مافوقتش غير وانا فى المستشفى ومتعلق فى إيدى محلول .. حالة تسمم ، وغسيل معده مستعجل .. حاله بتتكرر دايماً فى حياتنا .. لما بنكون وسط ضيقه أو مشكله كبيره ، بنلجأ لطرق مختلفه للخروج او بمعنى أصح للهروب من واقع .. زى الخروج والسهر وشرب الكحول او تعاطى المخدرات او التدخين بإستمرار ، أو بناء علاقات مُحرمه ، كل دول وغيرهم كتير فى ناس بتلجأ ليهم بسبب مشكله صغيره وتيجى تسأل حد فيهم ليه كدا يقولك من الغُلب اللى انا فيه عاوز انسى .. بيهرب من مشكله كبيره عشان يقع فى مشكله اكبر ... هو لو كان شبعان بربنا ، ماكنش وسط جوعه لجأ للحاجات دى ، وللأسف هو عشان جعان قوى مش حاسس بالطعم الفاسد للحاجات دى .. البنت اللى بتبنى علاقه عاطفيه وتدخل فى منحدر لا يليق بها ، لو كانت شبعانه بربنا من الأول ماكنتش لجأت للعلاقه دى . مايحسش بطعمها الفاسد غير اللى شبعان بربنا .. عشان كدا مستحيل تلاقى واحد بيصلى ويصوم ومعاه علاقه قويه جدا بربنا ، بيتعاطى مخدرات او بيلجأ لوسائل غير مشروعه لحصوله على سعاده مسمومه .. لانه شبعان ، مش محتاج أكل الشارع . 
|
|
09 - 09 - 2017, 12:13 AM
|
رقم المشاركة : ( 2 ) | ||||
|
..::| مشرفة |::..
|
رد: احذر اكل الشارع
ربنا يبارك تعب محبتك
|
||||
|
|
|
09 - 09 - 2017, 11:34 AM
|
رقم المشاركة : ( 3 ) | ||||
|
† Admin Woman †
|
رد: احذر اكل الشارع
مايحسش بطعمها الفاسد غير اللى شبعان بربنا
ربنا يفرح قلبك |
||||
|
|
|
09 - 09 - 2017, 10:02 PM
|
رقم المشاركة : ( 4 ) | ||||
|
..::| الإدارة العامة |::..
|
رد: احذر اكل الشارع
ميرسى كتير على مروركم الغالى  |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| مثل الزارع ( خرج الزارع ليزرع زرعه ) |
| احذر 3 تطبيقات تستهلك بطاريتك في الخفاء احذر منها |
| مثل الزارع (مر 4: 3-14-20) |
| احذر من مردوخ ... احذر جداً |
| مثل الزارع |
العرض العادي
