طبيب يحذر من هذا الامر الخطير الذي يحدث بين الزوجين
الدكتور عمرو حسن عبر صفحته الشخصية علي الفيسبوك محذرا الحامل و الترامادول امبارح كان عندي نبطشية طوارئ في مستشفى النساء و التوليد بالقصر العيني ، جاتلنا واحدة عندها ١٨ سنة و حامل في الشهر السابع و بتتشنج , بعد الكشف عليها و التاكد أن التشنجات مش من ارتفاع ضغط الدم ( تسمم الحمل ) ، اتكلمت مع والدتها و عرفت انها مدمنة ترامادول من ساعة ما اتجوزت و يوميا بتاخده و قبل ما تتشنج كانت واخدة ٥ أقراص ترامادول يوميها السيناريو الطبيعي الي بيحصل : واحدة تتجوز واحد مدمن ترامادول فعلشان يبقوا علي نفس الدماغ و علشان مشاكل العلاقة الزوجية من الختان ، جوزها بيخليها هي كمان تتدمن الترامادول السؤال : ايه شكل الاجيال الي حتتخلف من اب و ام مدمنين ترامادول حتي و هي حامل ؟ الي يحمي الستات هو التعليم الي حيضمن ليها شغل و مكانة اجتماعية محترمة و يضمن انها تختار شريك حياة مناسب علشان يكونوا عائلة تفيد المجتمع #الحامل_و_الترامادول #انتي_الاهم
