خلي بالك لو علاقتك بربنا قويت وحسيت انك قريب وانك فهمت كتير عنه وحاسس به وفى نفس الوقت بدأت تنظر للناس اللى من وجهة نظرك مايعرفوهوش نظرة قليلة.... وتبقي من جواك مش طايقهم وحاسس انهم مايعرفوش ربنا زيك وبدأت تتكلم عليهم من وراهم واحيانا قدامهم وبتهاجمهم على الفيس مثلا انهم جهلة ومايعرفوش وبيضلوا الناس وان ضياع المسيحية علي ايديهم .......احترس لانك تعانى من ٢ك ...الكبرياء والكراهية ودول بالذات لا يستريح روح الله معاهم.....اسمع الكتاب
حَسَنًا! مِنْ أَجْلِ عَدَمِ الإِيمَانِ قُطِعَتْ، وَأَنْتَ بِالإِيمَانِ ثَبَتَّ. لاَ تَسْتَكْبِرْ بَلْ خَفْ! (رو ١١ : ٢٠)
وَلَمَّا رَأَتْ أَنَّهَا حَبِلَتْ صَغُرَتْ مَوْلاَتُهَا فِي عَيْنَيْهَا.فَقَالَ لَهَا مَلاَكُ الرَّبِّ: "ارْجِعِي إِلَى مَوْلاَتِكِ وَاخْضَعِي تَحْتَ يَدَيْهَا". (تك١٦: ٤، ٩)
الرب يعطى نعمة للمتواضعين......اشكر ربنا على النور اللى بعتهولك وصلي انه يبعت نفس النور لغيرك وعاملهم بحب واتضاع وبلاش هجوم وانتقاد لازع نتيجته اكيد مش حلوة......مشكلتنا اننا فاكرين اننا نقدر نغير سلوكيات الناس بان احنا نقولهم انها غلط .....مش هيحصل...اما لو قلت ده بطريقة هجومية ....كمان هيحصل العكس كرد فعل عنيد من الاخر
