نصايح شبابيه كل يوم (متجدده)

[Rena Jesus]

خلاصة تجارب السنين

١-اللي اتكسر مبيتصلحش
٢-محدش بيتغير بس ممكن يعمل control
٣-الأسهل إنك متعملش حاجة وتقول مشغول
٤-مش عشان الشخص ده في اهم اولوياتك معناه انك تكون عنده كده
٥- اقلب القدرة على فمها هتطلع البنت لامها غصباً عنها بس مش نسخة منها
٦-اللي ميعرفش هو عاوز ايه بيتعب اللي حواليه معاه
٧-لما متعرفش قيمة نفسك فغالباً هتدخل في علاقات مؤلمة كتير
٨- لو ضغطت على نفسك عشان حد هتضطر تنفجر فيه في الأخر فأختار إنك ترتاح عشانك وعشانه
٨- المنفسنين كتير جداً فمتتفاجأش
٩-عم عشم مات والحياة خد وهات
١٠- مش كفاية إنه بيحبك لازم كمان يحس إنه راحته معاك
١١- الشغل محتاج علاقات أكتر من الشغل نفسه
١٢- الفرق بين الناجح والفاشل هو التسويق لنفسه
١٣- اسمع النصيحة من اللي بيحبك او يكرهك المهم أعمل اللي أنت شايفه صح ليك
١٤-لو هتستلف عشان تخرج وتتفسح او عشان تتجوز نصيحتي أستلف وأعمل مشروع لنفسك أحسن
١٥- الهيافة كنز لا يفني (اتبسط زي العيال الصغيرة ومتشيلش هم)
١٦- مش كل حاجة شايفها النهاردة صح فهي صح
١٧-حب الناس أو كرهك مش هيزيدك ولا هينقصك فأعمل الحاجة لله
١٨- لما تحب تعيط عيط بس لازم بعدها تقول اللي مضايقك
١٩- لما تزعل من حد قوله عشان لو كتمت في نفسك هتكرهه
٢٠- أوعى تحرم نفسك من متعه القرب من ربنا
٢١-حياتي الشخصية تخصني أنا فط
٢٣-من حقك تسألني عن حياتي الشخصية ومن كامل حقوقي ألا أجيبك
٢٤-أراء الناس فيك مجرد أراء من وجهة نظرهم هم فلا تحكم على نفسك من خلال نظرتهم إليك