|
 |
 |
 |
|
رقم المشاركة : ( 1 )
14 - 06 - 2017, 08:22 AM
|
|||||||||||
|
|||||||||||
 إمبارح كان ورايا مشوار مهم وكنت مستعجل جدا جدا ومش شايف قدامى وانا بجرى فى الشقه عشان أجهز ... هوب أتخبطت فى صباع رجلى الصغير خبطه كفيله انها تدخلنى العنايه المركزه ، اتفرشت على الأرض بالأربعه مع قليل من حركات بهلوانيه لا إراديه مع صيحات بلغات مختلفه غير مفهومه ولولا الملامه كنت بكيت ، المشكله لغاية كدا ماوقفتش لا دانا بعدها بكام دقيقه قومت وكإن مافيش حاجه حصلت ودوست على نفسى وإتحملت أكتر عشان ألحق مشوارى ، وعشان أهمية المشوار والناس اللى فيه بحبهم جدا ، تظاهرت بثبات غير عادى مع إنى كنت بتقطع من وجع الألم ، لكن مهما كان دا صباعى ولازم اتحمله دا ياما شالنى ، اشيله مره بقى نفس النظام فى حياة ناس كتير بيحبونا ،أحياناً بنوجعهم ، ونكسرهم ،وكمان بنهينهم من غير مانحس ، لكن عشان إحنا مهمين جدا بالنسبالهم بيتظاهروا بالثبات قدامنا ويضحكوا ويدوسوا على نفسهم ويتحملوا وجعهم عشان مايخسروناش ويكونوا جنبنا وماينفعش يلغونا من حياتهم .. أقرب مثال هو أقرب ما ليك دور جوا حياتك شوف كام واحد وجعته ، أهنته ، ظلمته ، هزرت عليه هزار بايخ محرج .... ، وبعد دا كله لسه معاك وواقف جنبك وبيحبك ويخدمك بعينيه .. معظم أوقات حياتنا بنقول ماحدش بيحبنا ... الكلمه دي كفيله انها توجع اللى بيحبك بس انت قلبك عميان عنه ، قايدين صوابعهم العشره شمع ليك لكن عيونك مش شايفه غير ضلمة ناس تانين ... ياما ناس بنخبطهم فى قلوبهم لكن بيتحملوا عشان بيحبونا ... ربنا خلق كل واحد فينا وخلقله ناس بتحبه ، دور كويس هاتلاقيهم . cpd 
|
|
14 - 06 - 2017, 08:27 AM
|
رقم المشاركة : ( 2 ) | ||||
|
..::| الإدارة العامة |::..
|
رد: دور كويس على بيحبك (أحذر كارثه)
ياما ناس بنخبطهم فى قلوبهم لكن بيتحملوا عشان بيحبونا .
رووووووعة يا رينا بس هما فين الناس دول محدش بيستحمل حد ولا حد بيسامح حد |
||||
|
|
|
14 - 06 - 2017, 02:00 PM
|
رقم المشاركة : ( 3 ) | ||||
|
† Admin Woman †
|
رد: دور كويس على بيحبك (أحذر كارثه)
في منتهى الجمال يا قمر ربنا يباركك |
||||
|
|
|
15 - 06 - 2017, 08:59 PM
|
رقم المشاركة : ( 4 ) | ||||
|
..::| الاشراف العام |::..
|
رد: دور كويس على بيحبك (أحذر كارثه)
ميرسى لمروركم الغالى
 |
||||
|
|
 |
| أدوات الموضوع | |
| انواع عرض الموضوع | |
|
العرض العادي
