1- إللى بيقدر يغفر هو .. إللى بيشفى من جراحاتى
ويكللنى برحمه ورأفه .. وبيفدى من الحفره حياتى
زى يوحنا باأحب أميل .. على صدر يسوع إللى فدانى
هو طويل الروح وحنين .. وبيشبع بالخير أيامى
القرار - كل ما فى يبارك إسمه الرب إللى مفيش فى صفاته
أنا باأرفع إسمه وباأسجد له أنا مانساش أبداً حسناته
2- مجرى العدل وهو النصره .. لما باأكون مظلوم وباأعانى
بيشيل همى ويبعت فرحه .. تسكن قلبى مكان أحزانى
وكبعد المشرق م المغرب .. أبعد عنى جميع معاصي
من رحمته قلبى بيتعجب .. ده وعدنى بحياه أبديه
3- على خائفيه دايماً يتراءف .. ومخافته تبدد لى مخاوفى
م السموات بيبص وشايف .. إحتياجاتى ودارى بضعفى
عارف إنى تراب وبيرسل .. إيده القادره تشيل ضعفاتى
هو بدمه الطاهر يغسل .. كل شرور عمرى وشهواتي
