ربنا هو الوحيد اللي نظره 6/6 ..

[Rena Jesus]

نظرتنا كبشر محدوده شايفين تحت رجلينا و بس ..
لكن ربنا هو الوحيد اللي نظره صح 6/6 ..
شايفني و عارفني و عارف قدراتي و طاقتي و امكانياتي ،

في حاجات كده بيكون الواحد عايزها و متشعبط فيها و يزن زي العيال الصغيره يارب عايز الحاجه دي ..
بس هو اب و شايف لقدام ، لو ادهالك هتفرح دلوقتي بس لكن بعدين هتبقي سبب في تعبك و هو ميقدرش يشوفك تعبان ،
بتصعب عليه يقعد يبعتلك رسايل عشان تفهم ..
يابني افهم يا حبيبي ركز افتح عينك .. و انت و لا هنا

تتربس دماغك ، تزن زياده ف هو بيضطر يقطع عليك الطريق ،
هتتعب هتتصدم هتزعل منه و تبقي الغشاوه ماليه عينيك و شويه بشويه و اول ما هتسلمله الدفه و تقول انت القائد انت شايف احسن مني ..

ساعتها بس هيفتح عينيك علي الفنار و تشوف النور و تبقي عاجز عن الشكر و تعرف ان تفكيرك محدود ، ضيق
انما هو غير محدود حنين بيحبك عايزك مبسوط خطته هي انك لا تكون الا فرحا
الرب_الهك_قد_أحبك

[walaa farouk]

انما هو غير محدود حنين بيحبك عايزك مبسوط خطته هي انك لا تكون الا فرحا
الرب_الهك_قد_أحبك

ربنا يبارك خدمتك الجميلة

[Rena Jesus]

ميرسى لمرورك الغالى

[Mary Naeem]

انما هو غير محدود حنين بيحبك عايزك مبسوط خطته هي انك لا تكون الا فرحا
الرب_الهك_قد_أحبك

موضوع مميز
ربنا يباركك

[مورا مرمر]

خطته هي انك لا تكون الا فرحا
الرب_الهك_قد_أحبك


حلو اوووووى
ربنا يفرح قلبك

[Rena Jesus]

ميرسى لمروركم الغالى