|
 |
 |
 |
|
رقم المشاركة : ( 1 )
09 - 05 - 2017, 09:32 PM
|
|||||||||||
|
|||||||||||
|
بقيت مقتنع أن الارتباط مفيهوش "شخص صح" و"شخص غلط".. مفيهوش اختيار ربنا المكتوب، أو نبوات عن شريك الحياة بإسمه وتفاصيله والكلام ده، مفيهوش "قسمة ونصيب" ولا رؤي سماوية عن ارتباطك وانت بتحققها. الجواز في رأيي قرار شخصي جداً. ⁃ مبني علي ايه؟ علي التوافق والانسجام والحب. ⁃ ايه اللي يضمنه؟ العهد بين الطرفين بس. ⁃ طب و دور ربنا ايه؟ دوره انه يدخل ويبارك القرار ده (بسماح الطرفين)، مش اوتوماتيك لوحده كدة. وبما ان الجواز قرار شخصي جداً.. فا الطبيعي ان ربنا مش مسؤل عن نتايج قراراتك، أنت بس اللي هاتتحملها. فا ماتلومش ربنا علي اختيارك الفاشل وتقول "ده صليبي"، لأن شريك الحياة "مُعين" مش "صليب". عشان كدة لما تيجي تختار، افهم انه مفيش اختيار صح أو غلط في المُطلق كدة، معندناش ورقة كدة فيها list بمواصفات الشخص الصح اللي تتجوزه او السن او الظروف او الطريقة.. محدش شبه التاني في ارتباطه.. وربنا مش بيملي الناس اسامي جوازاتهم، الاختيار ببساطة مش بين الصح والغلط، لأنه ببساطة مفيهوش صح وغلط. فيه شخص صح (بالنسبالك)، أو غلط (بالنسبالك) برضو. من الاخر يعني ماتستناش ربنا يظهرلك يقولك "هو ده شريك حياتك"، لانه مش بيعمل كدة (حتي لو احنا وهمنا نفسنا بكدة)، والمرة الوحيدة اللي عملها مع شخص كان آدم وجابله حوا.. وبعدها ادم قاله "المرأة التي اعطيتني" هي اللي ودتني في داهية وهي سبب سقوطي.. فا زي ما تقول كدة من ساعتها وربنا حرم يختار لحد 😃 ونقولها تاني.. في الجواز مفيش مواصفات ثابته.. ومفيش طريقة معجزية ربنا هايتدخل بيها. ومفيش شخص صح او شخص غلط. في بس شخص "مناسب" ومتوافق معاك.. وفي حُب وقرار هاتتحمل تكلفته. 
|
|
10 - 05 - 2017, 05:47 AM
|
رقم المشاركة : ( 2 ) | |||
|
..::| العضوية الذهبية |::..
|
رد: الارتباط مفيهوش "شخص صح" و"شخص غلط"
موضوع رائع ربنا يبارك خدمتك
|
|||
|
|
|
10 - 05 - 2017, 10:42 AM
|
رقم المشاركة : ( 3 ) | ||||
|
† Admin Woman †
|
رد: الارتباط مفيهوش "شخص صح" و"شخص غلط"
في الجواز مفيش مواصفات ثابته.. ومفيش طريقة معجزية ربنا هايتدخل بيها. ومفيش شخص صح او شخص غلط. في بس شخص "مناسب" ومتوافق معاك.. وفي حُب وقرار هاتتحمل تكلفته. مشاركة جميلة جدا ربنا يبارك حياتك |
||||
|
|
|
10 - 05 - 2017, 09:41 PM
|
رقم المشاركة : ( 4 ) | ||||
|
..::| الإدارة العامة |::..
|
رد: الارتباط مفيهوش "شخص صح" و"شخص غلط"
ميرسى كتير على مروركم الغالى  |
||||
|
|
 |
| أدوات الموضوع | |
| انواع عرض الموضوع | |
|
العرض العادي
