|
 |
 |
 |
|
رقم المشاركة : ( 1 )
09 - 05 - 2017, 09:26 PM
|
|||||||||||
|
|||||||||||
 بعد الصورة المؤلمة لفريد النُقراشي مع ابنه المريض بالسرطان، وبعد تعليقه هو أن الله بعتله المرض ده لسببٍ ما وقبوله هو شخصياً لكدة.. كان رد فعلي مش زي معظم الناس اللي زعلت عليه او انبهرت بإيمانه.. مانكرش أنا نفسي حزنت على ابنه وعليه هو شخصياً.. بس اللي لاحظته في نفسي أكتر هو اني خُفت شوية من ربنا.. "كشّيت" منه كدة.. وابتديت أسأل نفسي وأسأل ربنا كام سؤال كدة كنت بتجنبهم فترة طويلة، أو بمعنى أصح كنت بخاف أسألهم.. قولتله يارب هو أنت ممكن تديني سرطان؟ الشر ده ممكن يطلع منك؟ ممكن تسمح لقلبي انه يتكسر عشان تعلمني حاجة؟ ممكن تخلي طفل برئ زي ده يدخل في صراعات مرض ووجع صعب يضيعوا ملامح طفولته؟ هايستفيد ايه؟ وأهله اللي هايتبهدلوا معاه دول هايستفيدوا ايه؟ ولو مش أنت اللي باعت المرض.. ازاي سامح انه يدخل ويبهدل حياة ولادك كدة؟ اذا كان أنا الانسان الشرير مرضاهاش لعيالي.. مرضالهُمش الذُل ده.. مرضاهاش لأي انسان اصلاً.. يبقى أنت ازاي راضي وساكت.. أنت الصالح اللي كُلّك حُب .. ؟! وفاكر وقتها اني كنت بره البيت بحضر حاجة مهمة، ومن كتر الأسئلة والتُقل اللي حسيت بيه جوايا روّحت مقدرتش اكمل.. وابتديت اقرا آراء الناس على الفيسبوك.. اللي كاتب "يا بخته".. واللي كاتب "ربنا يشفيه".. واللي كاتب "ده ابليس ولازم نحاربه بإيماننا".. واللي شايفه ايمانه ضعيف فا الشيطان اصطاده.. واللي شايفه قديس فا ربنا "ابتلاه".. وكل واحد برأي ومدرسة وكل مدرسة ليها اثباتاتها ووجهة نظرها الكتابية.. زي المدرسة المؤيدة لأن الله بيدي مرض.. والمجموعة دي بتستعين بقصة أيوب، أو شوكة بولس، أو صليب المسيح نفسه لإثبات وجهة نظرها.. وفي المدرسة التانية اللي بتركز اوي على أن الله عمره ما يعمل او يرضى بكدة.. ودول بيستعينوا ببعض الشواهد الكتابية زي ان "الله نور ليس فيه ظُلمة"، أو أن يسوع كان طول حياته على الارض بيشفي بس عمره ما ادى لحد مرض.. والوسطانيين اللي بيقولوا أن الله مش بيدي مرض ايوة، بس على الأقل مامنعهوش.. وأنه ممكن احياناً يستخدمُه انه يشكّل ويصلح بيه حياة اولاده. رأيي الشخصي بقى؟ معرفش.. فعلاً معرفش! يمكن دي حرب من ابليس والله هايطلعه منها.. يمكن! ويمكن المرض جه لسبب مانعرفوش والله بيستخدمه لفترة انه ينشف عضمه.. برضو يمكن! ويمكن من حُبه بعتله المرض لغرض هانعرفه سواء هنا على الأرض أو حتى في السماء.. وكدة يبقى أنا لازم اعيد مفهوم "الحب" من تاني وأُقر اني مش فاهم الله وتعاملاته اوي لحد دلوقتي .. يمكن برضو معرفش! بس اللي أعرفه ومتأكد منه على مستوى حياتي الشخصية.. هو أن "الله صالح".. مابيعملش حاجة غلط يعني.. مش بتفلت منه في أي وقت.. اللي اعرفه أنه بيختارلي أحسن حاجة (من وجهة نظره).. وانه بيحبني حُب سماوي مش زي حب الناس.. وانه بيحميني من حاجات كتير سواء عارفها أو معنديش فكرة عنها.. يمكن أنا مفهومي عن الحُب غلط.. أو ترجمتي لآيه "الله صالح" ترجمة ناقصة أو اتعودت اشوفها من زاوية ضيقة جداً ماتساعش كل صلاح وتدبير وحب الله.. يمكن؟ بس من جوايا لسا مطّمنله.. عارف أنه بيحبني.. وبيحترم لخبطتي وأسئلتي الكتير.. بيحبني حتى لو أنا مش فاهم تعاملاته أوي أو تايه أو مضغوط.. وأكتر حاجة متأكد منها فعلاً أنه عُمره ما هايسيبني أعدّي في وقت صعب من غير ما يفهمّني ايه بيحصل، أو على الأقل يديني "نعمة خاصة" أعدّي بيها الوقت ده.. زي فريد كدة بالظبط  #الرب_صالح_حتى_لو_أنا_مش_فاهم 
|
|
10 - 05 - 2017, 11:10 AM
|
رقم المشاركة : ( 2 ) | ||||
|
† Admin Woman †
|
رد: الرب صالح حتى لو أنا مش فاهم
وأكتر حاجة متأكد منها فعلاً أنه عُمره ما هايسيبني أعدّي في وقت صعب من غير ما يفهمّني ايه بيحصل، أو على الأقل يديني "نعمة خاصة" أعدّي بيها الوقت ده..\ آمين يا رب |
||||
|
|
|
10 - 05 - 2017, 05:41 PM
|
رقم المشاركة : ( 3 ) | ||||
|
..::| الإدارة العامة |::..
|
رد: الرب صالح حتى لو أنا مش فاهم
ميرسى على مرورك الغالى مرمر  |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| رددها دايما وانت مش فاهم قول ربنا صالح |
| ربنا صالح حتي لو انت مش فاهم |
| حتي لو مش فاهم هقولك انت صالح |
| حد فاهم حاجه لو حد فاهم يفهمني عشان انا مش فاهمه |
| الرب صالح , أختياره لنا صالح , |
العرض العادي
