مش هتتغير في يوم وليلة!!

[Rena Jesus]

مش هتتغير في يوم وليلة!!
الجملة دي ممكن تكون بتأذي ناس كتير، وبتحسسهم بالفشل،
رغم كده هي حقيقية جداً وفيها تحدي مستمر،
يعني لو عايز تغير حاجة معينة حواليك أو تتغير أنت شخصياً في حاجة،
لازم تبقى عارف ومتأكد أن التغيير بياخد وقت لكن في النهاية، هيحصل هيحصل..

وبنفس الطريقة دي، السكة مع ربنا بتاخد وقت طويل،
تقريباً طول ما انت عايش هنا على الأرض..
طول ما انت ماشي، هتلاقي نفسك بقيت شوية بشوية شبهه،
زي بالظبط كل ما تقرب من حد بتحبه،
من غير ما بتعرف بتلاقي نفسك بقيت شبهه..

الحياة مع ربنا كده، انت بتختار بنفسك وبتجاهد تمشي السكة دي،
وزي ما مكتوب في الكتاب المقدس عن يسوع" فتيلة مدخنة لا يُطفئ "!
يعني هو بيقدّر اوي اللي انت بتعمله علشان تفضل ماشي في سكته صح،
لأنها فعلاً سكة حلوة وتستاهل انها تتعاش..
اللي يقرب من ربنا بجد ويمشي معاه، هيعرف انه مافيش أحلى من العيشة دي أبدا..
وافتكر انك انت اللي بتختار من البداية تمشي معاه ولا لأ!

[Mary Naeem]

اللي يقرب من ربنا بجد ويمشي معاه، هيعرف انه مافيش أحلى من العيشة دي أبدا..
وافتكر انك انت اللي بتختار من البداية تمشي معاه ولا لأ!

رووووووووووعة حببتي
ربنا يفرح قلبك

[walaa farouk]

وافتكر انك انت اللي بتختار من البداية تمشي معاه ولا لأ!

موضوع جميل جدا يا رينا

[Rena Jesus]

ميرسى لمروركم الغالى