اقول لكم ان الواحد لما يقعد مع ربنا ح يتعلم منه وياخد حاجات كتير ياخد محبة واتضاع وانكار ذات لما الواحد يقعد مع ربنا بانسحاق لازم يستفيد يطلع عندة نقاوة وطهارة وبساطه من غير تداريب ونستغل كل دقيقة للفايدة اما بصلاة اما بعمل رحمه اما بكلمة نعزى بها الاخرين
عمل الرحمة له بنود كثيرة احتمل غيرى فى ساعه غضبة واسامحه فى ساعتها والتمس له العذر لو ما خلتش اللى اساء الى يشعر انه عمل حاجة وعديت الموضوع ببساطه يبقى ده عمل رحمه
لو لقيت حد تعبان ومجروح بشئ وقلت له كلمة تعزية دا عمل رحمة مش ممكن اعمل كده الا اذا كنت باقعد مع ربنا قعدات عميقة بانسحاق
فالعاقل يقعد مع ربنا ويفكر فى السماويات ويتامل فى العدرا والقديسين ازاى جاهدوا وثابروا علشان يوصلوا لمحبة ربنا او يرفع عينة للصليب ويشوف قد ايه ربنا احتملنا وفدانا
