يوميات فايز وفايزه (متجدد)

[Rena Jesus]

_ فايز كنت محتاجه اتكلم معاك شوية.......
ممكن؟


_ اه يا حبيبتي اتفضلي ..


_ امبارح وانا في ال ...
فايز .... ينفع معلش تركز معايا؟


_ اه اه مركز اهو كملي..


_ امبارح نزلت العربية لقيت...
يا فايز لو سمحت!


_ في إيه يا ستي سامعك!

_ سامعني إيه بس ..........
وانت باصص في الموبايل وعمال تضحك!!


_ وماله يعنى أما أبص في الموبايل!
انا سامعك! تحبي أقولك قلتي إيه كمان؟!


_ ماهو القصة مش إنك سامعني وخلاص!
أنا إستأذنتك إني محتاجه أتكلم معاك في موضوع مهم بالنسبالى وانت قلت اتفضلي..
يبقى على الأقل سيب الموبايل وبصلي وانا بأتكلم!
حسسني بالإهتمام يا أخى شويه!
مش انا بحكي حاجة مهمة وانت بتضحك على بوست صاحبك وتقولي سامعك!


_ إنتي مالك مأفورة كده!
ما امسك الموبايل ولا ما أمسكوش أنا حر!
فى ايييييييه
هو أنا لازم اسيب اللي فى إيدي يعنى وأبصلك وانتي بتتكلمي عشان ابقى مهتم؟!
إنجزي وقولي كنتي عايزه إيه!


_ خلاص يافايز مش عايزه حاجه ............

[walaa farouk]

يا أخ فايز حرررررام عليك
حرقت دمنا كلنا ...على الاقل
بصلها وهى بتكلمك يا أخى

[Mary Naeem]

هي تخلص منه

ما فيش منه فايدة ابدا

[sama smsma]

حلوووووووووووووة يا رينا

[ماريا تى ثيؤتوكوس]

للاسف ده حال اغلب الناس حاليا
فى اى قعده تلاقى كل واحد
فاتح الموبايل فيس بقى ولا شات
ومش مركز مع حدغير نفسه
ميرسى كتير رينا حبيبتى

[Rena Jesus]

ميرسى لمروركم الغالى وتشجيعكم

[بنتك انا]

هههه
الله يكون فى العون
متابعة معاكى يارينا

[Rena Jesus]

ميرسى لمرورك الغالى

[magy]

المشاركة الأصلية كتبت بواسطة walaa farouk

يا أخ فايز حرررررام عليك
حرقت دمنا كلنا ...على الاقل
بصلها وهى بتكلمك يا أخى

بجد ... احلي تعليق يا ولاء

ربنا يفرح قلبك رينا

[Rena Jesus]

ميرسى لمرورك الغالى