ربوا رجاله تتحمل المسئولية

[walaa farouk]

الراجل أللي يخلي مراته تنزل تشتري وتشيل بالـ 10 صوابع وهو ماشي جنبها يتمخطر
=هو الراجل أللي بيحمل مراته كل غلطة تحصل ومسئولية كل خطأ حتي درجات العيال وسلوكياتهم السيئة
=هو بردو الراجل أللي قاعد مع اصحابه ع القهوة وعارف ان الغسالة ولا التلاجة بايظة ومراته بتقوله شوف حد يصلحها يقولها متتصرفي أنتي.
= هو نفسه الراجل أللي نايم ومراته بتقوله أنا نازله الشغل وطالما انت أجازة أبقي هات العيال من المدرسة ، بيقولها خليهم ميروحش مش هنزل أجيب حد.
= هو الراجل أللي بيحرم مراته تزور أهلها عشان مبيحبهمش وبيقولي لو خرجتي من البيت تبقي طالق .
= هو نفسه الراجل اللي بيخلي طليقته تلجأ للمحاكم عشان مش عايز يصرف علي عياله.
= هو نفسه الشاب المستهتر اللي بيلعب بكل بنت شوية ويعشمها بالجواز ويسيبها ويدور علي غيرها لحد ما أمه تجبله عروسة وتقوله دي قطة مغمضة.
= هو نفسه الولد المتدلع الي بيبقي نايم علي ضهره ومستني أمه أو اخته يجبوله كوباية ماية ويلموا هدومه من ع الأرض.

باختصار شديد هو دا التطور الطبيعي للتربية السيئة في مراحل تربية الأولاد
ربوا ولادكم كويس هتتحاسبوا علي التفرقة والدلع المفرط والسلبية وعدم تحملهم المسئولية وقلة النخوة والرجولة وفجورهم في التعامل مع الست ونظرتهم ليها وكأنها ألة بالكهرباء
ربوا كويس الصغيرة بتجيب الكبيرة << ربوا رجالة تتحمل المسئولية تفتح بيت وتربي عيال سوية نفسياً وسلوكياً

[Rena Jesus]

صح جدا
ميرسى ربنا يفرح قلبك

[walaa farouk]

ميرسي على مرورك الغالى رينا

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسي على مرورك الغالى مارى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك