حوار مع الشيطان 2

[بنتك انا]

تكملة : حواري مع الشيطان (2)
نستكمل معا معرفة الاسلحة التي يستخدمها لمحاربتنا ،حتي نكون حريصين ،
كنا بالامس قد وصلنا لحرب الاذنين وكيف يجعل الناس تعصي كلام المرشدين
ابونا: طيب وايه حكاية الريشة التي علي انفك ؟
هو : ها ها ها دي وسيلتي لجذب الشباب الي الخطية
انا :وايه اللي انت معلقه علي فمك ده ؟
هو: دي لزوم :النميمة وسيرة الناس والادانة (وانت عارف خطورتها ) والكلام
بتاعنا اللي انجس بيه شفاه الناس
ابونا : "ضع يارب حافظا لفمي وبابا حصينا لشفتي ولا تمل قلبي الي كلام
الشر " يارب ارحمنا من الخطية الصعبة دي ،
لكن قولي : انت لابس عقد في رقبتك ؟
هو: عقد مين ياعم ؟ ده اهم حاجة عندي ،اخلي الناس تتكبر وتتكل علي ذاتها
واخليه يقول :يا ارض اتهدي ما عليكي ادي وبعدين اضيعه
انا : و ده وشاح اللي علي صدرك ده ؟
هو :ده يا سيدي :مخازن افكاري وتفانيني ،ابعد بيها اللي بيفكر في ابديته
انا : وايه ده كمان اللي حاطه علي بطنك ؟
هو : بذمتك ده سؤال ؟ ده لزوم كسر "الوصية السابعة " عارفها طبعا ؟
ابونا : علشان كده سليمان الحكيم قال "اذكر خالقك ايام شبابك "
هو : شبابك وشيوخك يا حبيبي انا ما باسيبش كبير ولا صغير الا وباحاربه
ابونا :طيب ايه ده اللي ماسكه في ايديك ؟
هو: ده اللي باضرب بيه الجسد انت نسيت انا عملت ايه في ايوب ؟
انا بسرعة) لكن كل حاجة بسماح واذن من ربنا ،لانه هو"ضابط الكل "، طيب وايه في رجليك ده بتعمل بيه ايه ؟
هو: اعرقل بيه طريق المستقيمين واللي ماشيين في سكة ربنا
انا :اخر سؤال : ايه ده اللي علي ظهرك ده ؟
هو :ده مخصوص :احارب بيه من يحاربني انصب فخاخ واعمل مشاكل لهم واتعبهم
ابونا بصراخ الي الله ) :يارب : مين اللي يقدر يخلص من هذه الحروب المتنوعة
ربنا : "المتضعون يخلصون "
،لذلك قال : تعلموا مني لاني "وديع ومتواضع القلب " ايه النتيجة ؟تجدوا راحة لنفوسكم
يارب اسندني فاخلص اشكر حضراتكم من كتابات ابونا اثناسيوس فخرى

[مريم ميرو]

روووووووووووووووووووعة الجزئين رووعة
ربنا يبارك خدمتك

[Rena Jesus]

روووووووووووووعه
ميرسى ربنا يبارك تعب محبتك

[Mary Naeem]

مشاركة جميلة جدا


ربنا يبارك حياتك

[walaa farouk]

جميلة جدااااا يا راندا

[بنتك انا]

ميرسى لمروركم ربنا يباركم