عيشها ببساطة (ما تعيش حياة مكلكعة)

[walaa farouk]

لِتَكُنْ سِيرَتُكُمْ خَالِيَةً مِنْ حُب الْمَالِ. كُونُوا مُكْتَفِينَ بِمَا عِنْدَكُمْ، لأَنَّهُ قَالَ:«لاَ أُهْمِلُكَ وَلاَ أَتْرُكُكَ» حَتَّى إِنَّنَا نَقُولُ وَاثِقِينَ:«الرَّبُّ مُعِينٌ لِي فَلاَ أَخَافُ. مَاذَا يَصْنَعُ بِي إِنْسَانٌ؟»"
(ما تخليش اللي يسيطر عليك إنك تحصل على أمور مادية. اكتفِ باللي عندك. وبما إن ربنا أكِّد لنا. "مش هأسيبك، ولا أخذلك،" نقدر بجراءة نقول، "ربنا موجود، مستعد يساعد؛ فأنا مش خايف مهما حصل. مين ولا إيه يقدر يمسني".)

فيه مراحل مختلفة من التطور والنمو، مش كلنا في نفس المستوي في نفس الوقت. ومش معنى إن صاحبك أو زميلك عنده حاجة جميلة وأنت ما تقدرش تجيبها في المرحلة دي من حياتك، يبقى تحس إنك قُليل. مش لازم تحاول بكل طريقة تحصل على الحاجات اللي عند غيرك بس عشان تبقى زيه وتقدر تقارن نفسك بيه. كفاية تدخل في حاجات فوق طاقتك في اللحظة دي، بس لأنك عايز تتعرف وتتقبل من شخص معين أو وسط مجموعة معينة.

الرسول بولس قال، "لأَنَّنَا لاَ نَجْتَرِئُ أَنْ نَعُدَّ أَنْفُسَنَا بَيْنَ قَوْمٍ مِنَ الَّذِينَ يَمْدَحُونَ أَنْفُسَهُمْ، وَلاَ أَنْ نُقَابِلَ أَنْفُسَنَا بِهِمْ. بَلْ هُمْ إِذْ يَقِيسُونَ أَنْفُسَهُمْ عَلَى أَنْفُسِهِمْ، وَيُقَابِلُونَ أَنْفُسَهُمْ بِأَنْفُسِهِمْ، لاَ يَفْهَمُونَ." (2 كورنثوس 12:10). (إحنا ما نتجرأش نصنف نفسنا أو نقارن نفسنا بالناس اللي بتمدح نفسها. لكن، لأنهم بيقيسوا نفسهم بنفسهم، وبيقارنوا نفسهم بنفسهم، مش حكماء.) (ترجمة أبسط). عيشها ببساطة وسهولة. لو فضلت تحاول تقارن نفسك بغيرك، هتُحبَط. اتبع إرشاد روح الرب، واعرف إن كل حاجة ليها وقتها. اكتفِ باللي عندك النهاردة، واللي ما تقدرش تجيبه دلوقتي، سيبه لوقته.

ما تورطش نفسك في عيشة مبالغ فيها بس لأنك عايز الناس ياخدوا بالهم إنك "وصلت". كُن متواضع. ما تشتهيش حاجة غيرك، لأن ربنا يقدر يعمل ليك مهما طلبت منه. هو كفايتك. خلي عندك إيمان بيه؛ ثق فيه، وحياتك هتكون مجيدة.

ادخل للعمق:
1 تيموثاوس 6:6 "وَأَمَّا التَّقْوَى مَعَ الْقَنَاعَةِ فَهِيَ تِجَارَةٌ عَظِيمَةٌ."
لوقا 15:12 "وَقَالَ لَهُمُ:«انْظُرُوا وَتَحَفَّظُوا مِنَ الطَّمَعِ، فَإِنَّهُ مَتَى كَانَ لأَحَدٍ كَثِيرٌ فَلَيْسَتْ حَيَاتُهُ مِنْ أَمْوَالِهِ»."
أمثال 18:16 "قَبْلَ الْكَسْرِ الْكِبْرِيَاءُ، وَقَبْلَ السُّقُوطِ تَشَامُخُ الرُّوحِ."

صلِّ
باركي الرب يا نفسي، وما تنسيش كل إحسانته! هو كللك بلطف محبته وبرحمته الحنونة؛ وشبَّعني بالخير! حياتي ما فيهاش صراعات، لأن الرب كفايتي! هو كل احتياجي، وأنا مدفوع ومقاد بحكمته دايمًا. آمين.

اعمل
اشكر ربك على كل اللي عندك دلوقتي، واختر إنك تكتفي باللي عندك، لأن ربنا هيكون دايمًا موجود عشانك.

[Rena Jesus]

ميرسى ربنا يبارك تعب محبتك

[Mary Naeem]

مشاركة جميلة جدا

ربنا يبارك حياتك

[walaa farouk]

رينا
مارى
ميرسي كتير على مروركم الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[walaa farouk]

ميرسي على مرورك الغالى مينا