دايماً صدَّق في الأفضل

[walaa farouk]

(خليك إيجابي في قلبك وعقلك)
الكتاب 1 كورنثوس 13: 7 – 8
"وَتَحْتَمِلُ كُلَّ شَيْءٍ، وَتُصَدِّقُ كُلَّ شَيْءٍ، وَتَرْجُو كُلَّ شَيْءٍ، وَتَصْبِرُ عَلَى كُلِّ شَيْءٍ. اَلْحُب لاَ تَسْقُطُ أَبَدًا. وَأَمَّا النُّبُوَّاتُ فَسَتُبْطَلُ، وَالأَلْسِنَةُ فَسَتَنْتَهِي، وَالْعِلْمُ فَسَيُبْطَلُ."
(الحب بيستحمل أي شيء وكل شيء، ودايماً مُستعد إنه يصدق الأفضل في كل شخص، ورجاؤه مش بيخيب تحت أي ظرف، وبيتحمل كل شئ [من غير ما يضعف]. الحُب مش بيفشل أبداً…)

نحكِّي شوية؟!
نوع حُب ربنا فعلاً مُذهل: بيصدق الأفضل في اللي حواليه كل مرة. فيه ناس بتُقع في الموقف ده إنها تصدق كل حاجة وحشة وسلبية بيسمعوها عن غيرهم، وبينتهي بيهم الحال إنهم يفقدوا أصدقاء كويسين. ما ينفعش أبداً تقبل، أو تسمح لأي شخص إنه يجيب لك معلومات سلبية عن شخص تاني ويشوه نقاوة روحك. ما تسلِّمش عقلك للمعلومات اللي مش مُهمة ديه! اتعلم إنك تشوف الناس بالطريقة اللي ربنا شايفهم بيها – من وجهة نظر حُب ربنا – وعُمر ما هيتأثر عليك غلط بمعلومة سلبية عنهم، سواء كانت متلفقة أو حقيقية.

خليك إيجابي، واتمسك بالأفكار الكويسة في عقلك عن كل شخص. فيلبي 8:4 بيوضح لك نوعية الأفكاراللي لازم تفكر فيها، وتركز انتباهك عليها. مش بيقول لك تفكر في اتهامات ضد الناس. ديه كلمة ربنا. مارسها. هتلاقي نفسك انعكاس للي بتفكر فيه (أمثال 7:23) تخيل إن حياتك هي انعكاس للحاجات اللي موجودة في فيلبي 8:4. هتبقى مُدهشة!

زي ما مُتوقع منك تكون إيجابي مع الناس، أنت لازم يكون عندك نظرة إيجابية وطريقة تفكير إيجابية عن حياتك. لما يكون فيه موقف أنت محتاج تتعامل معه، مثلاً صحتك، أو فلوسك أو أي شيء؛ اتملي بالفرح، لأنك عارف إن كل شيء مُمكن. الكلمة بتقول، "الْقَلْبُ الْفَرْحَانُ يُطَيِّبُ (القلب الفرحان زي الدوا والعقل المُبتهج بيشفي)…" (أمثال 22:17). احسبه كل فرح لما تلاقي نفسك في تجارب مُتنوعة؛ ليه؟ لأن نصرتك أكيدة (يعقوب 2:1)! ارفض إنك تسمع لأي شخص أو لأي حاجة تطرد فرحك منك، وافرح بحياتك، وبكل شخص، وبكل حاجة!

ادخل للعمق
"سَلاَمًا أَتْرُكُ لَكُمْ. سَلاَمِي أُعْطِيكُمْ. لَيْسَ كَمَا يُعْطِي الْعَالَمُ أُعْطِيكُمْ أَنَا. لاَ تَضْطَرِبْ قُلُوبُكُمْ وَلاَ تَرْهَبْ." (يوحنا 27:14).

"أَخِيرًا أَيُّهَا الإِخْوَةُ كُلُّ مَا هُوَ حَق، كُلُّ مَا هُوَ جَلِيلٌ، كُلُّ مَا هُوَ عَادِلٌ، كُلُّ مَا هُوَ طَاهِرٌ، كُلُّ مَا هُوَ مُسِرٌّ، كُلُّ مَا صِيتُهُ حَسَنٌ، إِنْ كَانَتْ فَضِيلَةٌ وَإِنْ كَانَ مَدْحٌ، فَفِي هذِهِ افْتَكِرُوا." (فيلبي 8:4).
"افْرَحُوا كُلَّ حِينٍ. صَلُّوا بِلاَ انْقِطَاعٍ. اشْكُرُوا فِي كُلِّ شَيْءٍ، لأَنَّ هذِهِ هِيَ مَشِيئَةُ الإله فِي الْمَسِيحِ يَسُوعَ مِنْ جِهَتِكُمْ. لاَ تُطْفِئُوا الرُّوحَ." (1 تسالونيكي 5: 16 – 19).

صلِّ
ربي حبيبي، أشكرك لأن كلمتك بتنقي قلبي. أنا بأتغير، وبأتبني، وبأرتفع لمُستوى من المجد العالي، لما أتغذي على كلمتك النهاردة. أنا فرحان ومُتحمس بحياتي وبركاتك اللي بأستمتع بيها، باسم يسوع. آمين.
قُل كده:"أنا مش هخلي عقلي مَقلَب للمعلومات اللي مش مُهمة؛ لكن، أنا هأركز أفكاري على كلمة ربنا وهشوف غيري بنفس الطريقة برضه."

[Rena Jesus]

ميرسى ربنا يبارك تعب محبتك

[Mary Naeem]

مشاركة جميلة جدا

ربنا يبارك حياتك

[walaa farouk]

رينا
مارى
ميرسي كتير على مروركم الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[walaa farouk]

ميرسي على مرورك الغالى مينا