عشر فوايد للتلوين و تأثيره على نمو و سيكولوجية الطفل :

[Rena Jesus]

كتير شايف إن الأطفال بتحب التلوين ، و في ناس بتجيب لولادهم مجلات بصور جاهزة عشان كده !


بس دلوقتي هنعرف عشر فوايد للتلوين و تأثيره على نمو و سيكولوجية الطفل :
.
1- تحسين المهاردة الحركية للطفل :
خصوصا ان مسكة قلم التلوين من الحركات اللي بتشغل أكتر من عضلة في وقت واحد ، وده هيساعده انه يقدر بعد كده يتحكم في ايده و في أي أداة معاه بسهولة وهتسهل عليه رياضات مختلفة وممكن كمان في وظيفته المستقبلية.
.
2- الاعداد الجيد للمردسة :
هتساعده في الكتابة و الواجبات المدرسية الكتير ، و الاختبارات وكل ما يتطلب استخدام ايديه.
.
3- تحسين قدرته على الإبداع :
الرسم بيزود قدرات المخ بالإضافة لتحسين قدرة العصف الذهني ، كمان بيساعد في توليد أفكار و طرق ممكن يستخدمها عشان يعلم نفسه بنفسه ويفهم الحاجة أحسن وأفضل.
.
4- تحسن خط الايد :
لأن التلوين بيحتاج منه دقة ان كل منطقة بتكون بلون معين ، وكمان تدريب عضلات الايد ، كل ده هيساعده إنه يتحكم في ايده أفضل بالتالي خط أحسن .
.
5- هيتعلم الألوان :
وده مفيد جدا للمخ و العين ، و هيسهل عليه وهيفيده في حاجات كتير قدام ، وهتساعده و تدربه على الاهتمام بالتفاصيل بالنسبة للحاجات اللي هيشوفها بعينيه.
.
6- هيحسن التركيز و الموازنة (Sync) بين ايده ودماغه :
ما بين مسك القلم ، واختيار اللون المناسب ، و تلوين المنطقة المطلوبه بالتحديد : كل ده هيثري عنده التواصل بين ايده ودماغه ويحسن نشاط المخ بالنسبة لاستجابه لبقيت أعضاء الجسم.
.
7- الرسم هيقوي عنده فهم البناء و التنظيم ،
ووضع حدود لكل حاجة عشان ميحصلش كركبة ، بالاضافة انه هيعرف يميز الأشكال و المنحنيات و الفورمات المختلفة.
.
8- تعزيز الثقة و تقدير النفس :
انه يلون بصورة مستمرة ويخلص كذا رسمه تماما ، وانه يكون فرحان وفخور بكده.
.
9- التعبير عن النفس :
كل انسان عنده طريقة يعبر بيها عن نفسه ، و معظم الأطفال بيعتمدو على حاسة البصر في الموضوع ده ، بالتالي التلوين هو تربة خصبة جدا ، لأنه بيقرر هيختار أي لون ، و أي شكل هيلونه و أي صفحة هيخلصها.
.
10- تخفيف التوتر :
التلوين علاج كويس لتوتر الأطفال خصوصا لو معندهومش طريقة تانية ينفسوا بيها عن اللي جواهم ، حتى كمان الاطفال اللي معندهمش مشاكل في ده ، ممكن يستفيدو انهم يعبرو عن القلق الخوف أو اي مشاعر بسيطة بالألوان و الرسم.
ـــــــــــــــ
معظم الأطفال بيحبو الألوان ، و ده مش مجرد نشاط عادي بالنسبالهم ، بالعكس ده بيحسنهم نفسيا وجسديا ، هات لأولادك ألوان وخليهم يبدأو و هتبقى ساعدتهم على مدى حياتهم بحاجة زي دي

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمرورك الغالى

[MenA M.G]

دائماً مُشاركاتَكْ رائْعة
موضوعك مُمَيز
ربنا يبارك خدمتك

[Rena Jesus]

ميرسى لمرورك الغالى

[walaa farouk]

ميرسي على مشاركتك الجميلة

[Rena Jesus]

ميرسى لمرورك الغالى