طرق طبيعية لتصغير الشفايف

[marit jesus]

اغلب الناس بتكون عارفة ان من مميزات الجمال الشفايف الكبيرة بس احيانا فى بتعانى من الموضوع ده لان حجم شفايفهم بيكون كبير بزيادة و بتخليهم مضايقين لان بتقيدهم فى المكياج و كمان بيكون شكلها مش مريحيهم ف طرق كثيرة ممكن نعالج بيها المشكلة دى و تفضلى بنت حوا جميلة علاطول تعالوا اقرأوا معانا نصايح و طرق طبيعية لتصغير الشفايف ..

وصفات طبيعية لتصغير الشفايف :
1 – الوصفة الاولى بتتكون من علاجين هنبدل ما بينهم كل يوم بليل بس مش الصبح :

الاولى هنخلط 25 مللى جلسرين و 10 مللى مسحوق شبة و نخلطهم كويس و نسيبهم على شفايفنا للصبح و بعدين نغسلهم .
التانية هنجيب رشة زعفران صغيرة و 2 مللى مياه و نخلطهم و ننام بيهم برده و نغسلهم الصبح . بعد 3 شهور حجم الشفة هيقل و هترجع لونها احمر و جميل .
2 – الوصفة التانية بسيطة جدا هنجيب 1 فراولة و نفرمها كويس و نحطها فى وعاء و نستخدمها طول اليوم على الشفايف زى مرطب و هتساعد فى تقليل حجمها بعد فترة .

ازاى تستخدمى المكياج عشان تبينى شفايفك اصغر ؟!
1 – كريم الاساس : ممكن يساعدك فى اخفاء حدود الشفاه و ميخليش حجمها واضح استخدمى فرشاة و ووزعى نقط صغيرة حولين شفايفك عشان تدارى الحدود و تعمل تمويه للحجم . ممكن كمان تعملى نفس الحاجة بالكونسيلر اللى لازم يكون نفس لون بشرتك مش افتح و لا اغمق و سيبيهم ينشفوا قبل ما تكملى وضع المكياج .

2 – قلم محدد الشفاة : ده هيساعدك كتير انك ترسمى حدود و شكل شفايفك من الالول بالحجم اللى انتى عايزاه بس لازم يكون درجته اغمق من لونك عشان يبان الرسمة .

3 – احمر الشفاة : لازم تختارى اللون الصح و المناسب ليكى اكيد نبعد عن الفواتح لو الغوامق بزيادة و نختار لون هادى و نبعد تماما عن اى حاجة فيها لامعة لانها بتكبر الشفايف اكثر استخدمى الانواع المات احسن و زودى اللون فى منتصف الشفاة و قللى توزيعه على الجوانب و من الاحسن استخدام فرشاة لتوزيع اللون.
نصائح لعلاج المشكلة :
1 – من الحجات المهمة تنظيف و تقشير الشفايف لان الجلد الميت بيخلى شفايفك لونها غامق و التالى شكلها اكبر حاولى تحرصى على تقشيرها مرة فى الاسبوع على الاقل .

2 – الترطيب مهم جدا للحفاظ على نعومةو جمال شفايفك لان الجفاف بيسبب ان الجلد الميت يتراكم و برده بنرجع لنفس المشكلة الغمقان و الشكل اللى مس محبب .

3 – احرصى على شرب 8 اكواب مياه فى اليوم عشان تخلى جسمك مرطب علاطول .

4 – ابعدى تماما عن اى حركة عصبية زى عض الشفايف و تجنبى اى جرح يكون فيها و سيباه متعالجش لانه بيزود غمقان و جفاف .

5 – حاولى دايما تحافظى على نظافة المنطقة اللى فوق الشفاة و تنظيفها من الشعر الزائد .

6 – زودى المكياج فى عنيكى او وشك عشان الانظار تكون متجهة اكثر لوشك مش شفايفك .

[MenA M.G]

دائماً مُشاركاتَكْ رائْعة
موضوعك مُمَميز
ربنا يبارك خدمتك

[marit jesus]

ميرسى على مرورك الغالى يامينا