|
 |
 |
 |
|
رقم المشاركة : ( 1 )
03 - 09 - 2016, 12:25 PM
|
|||||||||||
|
|||||||||||
|
في حب و تقدير البنت و الست المصرية .... مرورا بكل الطبقات الإجتماعية ..... البنت المصرية المجدع ... بنت البلد الأصيلة ... اللي خفة دمها و حلاوة روحها لا تقارن بأي بنت تانية .... البنت المصرية اللي كل يوم بتصحى من النوم عشان تواجه كل أنواع القرف و الإهانة الجسدية و النفسية في كل شوارع بلدها .... البنت المصرية اللي أخدت بجدارة لقب "مسترجلة" .... لو حد قلك أنك مسترجلة .... قوليله لقيت مكانك فاضي ... فقلت أملاه .... قوليله كان لازم أبقى مسترجلة و خشنة عشان أعرف أحمي نفسي منك ...... عشان أعرف أعيش معاك تحت سما واحدة ..... اضطريت أبقى "مسترجلة " و "خشنة".... أي بنت في العالم بتستخدم مواصلات عامة و مترو و بتمشي في الشارع على رجليها بأمان من غير ما تتهان .... إلا البنت المصرية .... المواصلات العامة بالنسبالها فيلم رعب قصير ... بينتهي بفيلم رعب تاني ... اسمه "الشارع المصري" .... البنت المصرية اللي بقى أسهل حاجة تحصلها أنها تاخد لقب "شمال" و "مش مظبوطة" ..... البنت المصرية اللي بتسمع كلام قذر و خادش للحياء و الكرامة أكتر ما بتسمع اسمها ..... البنت المصرية اللي متكتفة من كل حتة ..... البنت المصرية اللي أعضاء جسمها تحولت لشتايم و مسبة و أسلوب رخيص لإهانة الطرف الآخر ..... عاوزها تبقى رقيقة ازاي يا........ و هي قاعدة بتلم أجرة ميكروباص كل واحد بيحاول يلمس اديها و هوة بيديها الأجرة ؟!!! عاوزها تبقى رقيقة ازاي يا ...... و هي راكبة جمب سواق مبرشم مقفل عداد السرعة عالدائري و كله خايف يقله هدي يسطا .... و هي الوحيدة اللي تجرأت و عملتها !!!! عاوزها تبقى رقيقة ازاي يا.... و هي دكتورها في الجامعة بيتحرش بيها ولو حاولت تصده بيسقطها مرة و اتنين و ثلاثة في المادة .... عاوزها تبقى رقيقة ازاي يا...... و هي واقفة بتتخانق مع البواب و السمسار و جوز جارتها المتحرش لوحدها !!!! عاوزها تبقى رقيقة ازاي يا ...... و هي بتشيل أنبوبة الغاز المليانة لوحدها لحد آخر دور !!! و هي حاسة أنها بقت حتة لحمة نية في وسط كلاب سعرانة !!!! و رغم كل ده ..... رغم كل القرف و العك و الإهانة و قلة القيمة دي .... لسة قادرة تكمل .... لسة قادرة تحبك و تخاف عليك .... لسة قادرة تطبطب عليك و تديك عاطفة و حنان و شفقة ..... لسة قلبها دافي ..... لسة دمها حار و بتغير ..... لسة بتحس ... رغم كل حاجة .... لسة بتحس ..... لسة عندها أمل أنك تبقى أحسن .... لسة عندها طاقة أنها تخليك أحسن ..... لسة بتاخدك في حضنها لما الدنيا بتيجي عليك ..... مية ألف تحية مكللة بالورد و الفل والباسمين للبنت المصرية ..... القوية .... اللي روحها روح مقاتل ... رغم جسدها المنهك .... رغم قلبها المفتور الممزق .... رغم جوعها للحنان و العاطفة و الامان ..... رغم كل حاجة ..... لسة قادرة تصحى من النوم و تكمل ...... البنت المصرية اللي يوم ما بتطالب بحقها بيتقال عليها "نكدية" ..... البنت المصرية اللي يوم ما بتدافع عن وجودها و حريتها و كرامتها بيتقال عليها "شمال" .... البنت المصرية اللي يوم ما بتقول أنا نفسي أتحب .... نفسي أحب ... نفسي أتحضن .... بيتقال عليها "مش محترمه " ..... البنت المصرية اللي عرفت اللي فيها .... و بطلت تخاف منك ..... البنت المصرية ........ حتة جوهرة في كوم ...... اسمه المجتمع المصري !!!! امانى العدوى 
|
|
03 - 09 - 2016, 12:29 PM
|
رقم المشاركة : ( 2 ) | ||||
|
† Admin Woman †
|
رد: في حب و تقدير البنت و الست المصرية ....
مشاركة جميلة جدا ربنا يبارك حياتك |
||||
|
|
|
03 - 09 - 2016, 12:43 PM
|
رقم المشاركة : ( 3 ) | ||||
|
..::| الإدارة العامة |::..
|
رد: في حب و تقدير البنت و الست المصرية ....
ايوه صح هنجيب الرقة منين
ميرسي على مشاركتك الجميلة رينا |
||||
|
|
|
03 - 09 - 2016, 12:49 PM
|
رقم المشاركة : ( 4 ) | ||||
|
..::| مشرفة |::..
|
رد: في حب و تقدير البنت و الست المصرية ....
روووووووووووووووووووووووووعة يارينا بجد موضوع جميل جدا
|
||||
|
|
|
03 - 09 - 2016, 07:51 PM
|
رقم المشاركة : ( 6 ) | ||||
|
..::| الاشراف العام |::..
|
رد: في حب و تقدير البنت و الست المصرية ....
ميرسى لمروركم الغالى
 |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| سبب تقدير الرئيس للمرأة المصرية |
| مش بس مسئولية الست المصرية تتحمل جبال |
| كتالوج الست المصرية للتعامل مع الراجل الكذاب |
| الست المصرية لما تعمل امريكانية |
| الست المصرية |
العرض العادي
