هتروح لميييين لما تتخانق مع ربنا!!!!

[walaa farouk]

الواحد ساعات يقول إيه: هوّ ينفع الواحد يزعل مع ربنا؟
ساعات الواحد يكون مجروح كدا وصعبان عليه من ربنا، يا إمَّا بقاله كتير بيطلب طلب من ربنا وربنا مش بيستجيب، يا إمَّا ربنا شدّ عليه شدَّة كدا إيه مش مستحملها، يا إمَّا تجربة جات شديدة أو قاسية، يا إمَّا صعبان عليه شخص تانى دخل فى تجربة صعبة أوى هو معتبر أن دا قسوة من ربنا
إنما ضميره بيقول له : ربنا دا بار، ربنا ما بيغلطش، أكيد ما حدِّش فينا فاهم نظرية ربنا بيعمل إيه، فييجى التعبير الجميل بتاع إرميا تحسه واحد بيتدلَّع على أبوه، وبيتكلم مع ربنا كأب فبيقول له : يارب أبر أنت من أن أخاصمك؟ يعنى بصراحة نفسى أخاصمك بس مش قادر أخاصمك، أنا لو سبونى هخاصمك لأن اللى انت عامله فىَّ دا مش داخل دماغى، واللى عامله فى الدنيا ده ما يرضيش حدّ، إنما أنا مش قادر أقول لك : " مخاصمك " أنا عارف إنك طيّب وعارف إنك بار وعارف إنك قدوس وعارف إنك ضابط الكل فمخلّينى كل أمّا آجى أخاصمك مش عارف أخاصمك
دى لغة راقية جميلة بين واحد بيحب ربنا أوى بعَشَم، فصعبان عليه، صحيح مش فاهم، لكن فى نفس الوقت مش قادره توصل معاه لزعلة بجد. لأ. ما هو مين هيطيِّب خاطرك لو خاصمت ربنا؟! ما فيش حد بيطيِّبك غير ربنا. هاتروح لمين لما تتخانق مع ربنا طيب؟! ( أبونا داود لمعى

[مورا مرمر]

رووووووووووووووووووووعة
ربنا يبارك اعمالك

[Mary Naeem]

شكرت يا قمر
هو ينفع الواحد يزعل من ربنا