شفت نهاية القصة بتاعتى

[Rena Jesus]

الكلام اللى هكتبة دة ربنا اللى عالم انا بكتبة ازاى
بس كان لازم اوصل الرسالة دى لناس كتير
الظلم فى الحياة و تحديدا الظلم فى الدراسة
اللى حصل فى ثانوية عامة السنة دى
يمكن اكون اكتر واحد تعبت منة
لانة تعب اكتر ناس حبيتهم
اول الناس اللى خدمتهم كاب كاهن
اولادى و بناتى البكر
اللى تعب و عمل كل اللى علية ... و مدخلش الكلية اللى بيحبها
اللى حل فى الامتحانات ... و أسئلتة ماتصححتش اصلا
اللى حل فى الامتحانات .... و لقى الورق اللى موجود مش ورقة
اللى حل فى الامتحانات ... و سقط فى اكتر من مادة
بسبب عدم امانة مصححيين ... او عدم امانة فى تجميع الدرجات
او عدم امانة فى قراية الاجابات .......
اللى كان عاوز كلية معينة ... و فرقت معاة على نص او ربع او حتى درجة
الاعصاب اللى اتحرقت من ظلم تسريب الامتحانات
و ناس تعبت و ما اخدتش مجهودها
و ناس ماتعبتش و اخدت درجات ماتستحقهاش

و كتير .. كتير .. كتير

من المواقف اللى حرقت دم اولادى و بناتى

غير بقى نظرات الناس
و الشماتة حتى من الاقارب .... حتى من ااقرب الاصحاب
حتى من ااقرب الناس

م الاخر كدة ..... مفيش اى معلش او تتعوض
او اى كلام من دة ممكن يخليهم كويسين
دة مستقبل ..... دى الحياة اللى جاية كلها
صدقونى يا حبايبى ..... كل اللى فات دة
من ظلم الامتحانات .... او المراقبة ... او التصحيح او شماتة الناس ... او الاصحاب او الاقارب
ممكن اكون من الاشخاص ... اللى مريت بية بكل تفاصيلة

مش مهم ازاى دلوقتى لكن المهم كل حد حصلة اللى فوق دة

لازم يبقى متاكد ..... من الحقيقة اللى هقولها

مفيش ظلم بيستمر ..... مفيش حد تعب مجهودة بيضيع
انا عارف كل كلامكم دلوقتى
ربنا ظالم ....ربنا سابنا ......ربنا مابيحبناش .........ربنا مش بيسمع
ربنا مش بيساعد ......هو فين ربنا اصلا

عاوز ااقولكم ........ حتى لو قلتوا الكلام دة
برضوا ربنا مش زعلان منكم

لانة حنون و مقدر كل اللى انتوا فية اكتر من اى حد

انا مش بتكلم دلوقتى عشان اوعظكم
لان احتمالكم للى حصل هو اصلا عظة لكل واحد فينا

لكن

كل اللى عاوز ااقولة انا بكلمكم بقلب اب محروق على اللى حصل لكل واحد فيكم
بقلب حد جرب الظلم الشديد بكل معانية اللى فوق

لكن برضوا لازم تعرفوا انا لو رجع بى الزمن
و اتقالى تحب تتظلم تانى و لا لا

هقول و انا بكل امانة .......ايوة اتظلم
طبعااااااااااااااااا مستغربين
معاكم حق
بس انا هقولكم لية
اة انا اتظلمت كتير فى حياتى الدراسية
لكن
كل حاجة حلوة ممكن اكون عايشها دلوقتى
الطريق ليها ..... كان الظلم دة
انا دقت كلمة ربنا اللى قالها
كل الاشياء تعمل معا للخير .... كل الاشياء صدقونى
كل الاشياء تعمل معا للخير ....... للذين يحبون اللة
و انتوا بتحبوا ربنا جداااااااااا
حتى لو كنتوا زعلانين منة لكن بتحبوة

طبعااااااااااااااااا انا بقول كدة بعد ماشفت نهاية القصة بتاعتى
و عارف ان قلوبكم مش قادرة تصدق اغلب الكلام دة
طبيعى جداااااااااا
بس انا متاكد ان تعبكم ماراحش يمكن بالطريقة البشرية مش موجود لكن ماراحش
و كل واحد هيقرا كلامى دة ..... و كان فعلا اتظلم
هيجى اليوم اللى هيقولى فية
كان معاك حق ............
اخر حاجة هقولها
هى كلام ربنا اللى قال فية
تشدد و ليتشجع قلبك ............... و انتظر الرب
انتظروا الرب يا حبايبى

ابونا دوماديوس شوقى

[walaa farouk]

ميرسي على مشاركتك الجميلة رينا

[Rena Jesus]

ميرسى على مرورك الغالى

[Mary Naeem]

موضوع مميز

شكرا يا قمر

[Rena Jesus]

ميرسى على مرورك الغالى

[سانام]

موضوع جميل

[Rena Jesus]

ميرسى لمرورك الغالى

[مورا مرمر]

راااااااااااااااااااااااائع جدا
ربنا يباركك حبيبتى

[Rena Jesus]

ميرسى على مرورك الغالى