بطلو ال 10 حاجات دول

[Rena Jesus]

عزيزي الرجل سيبك من التصرفات آلِ ١٠ دي علشان ماتخليش المودام تكره عيشتها :
١ - لما تاخدها وتخرجوا ماتقعدش تذل ف اللي جابوها و تنكد عليها وترجعها معيطه .
٢- ماتخدش معاك الموبايل الحمام وتقولها اصلي مستني مكالمه مهمه ( مهروسه اوي )
٣- مش كل ماترجع من الشغل تقولها ( اومال انتي قاعده طول اليوم بتعملي ايه )
٤- ماتقعدش جنبها ع البلاچ بشعرك المنكوش وكرشك اودامك مترين وفي الاخر تقولها ( شايفه الستات ) ؟؟!!
٥- لما تكتشف الموبايل السري بتاعك ف العربيه اعترف وبلاش بجاحه .
٦ - بلاش الجملتين دول علشان بيعصبوها اوي ( انتو بتودوا الفلوس فين ؟) ( اومال انا بعمل كل ده علشان مين )
٧ - بلاش تعمل اكونت سري لانها هاتجيبك هاتجيبك ( كل الستات علي اتصال ب مارك شخصيا )
٨-لما تتطبخلك أكله كويسه ابتسم
وقولها تسلم ايديك .
٩- لما تلاقيها مغيره حاجه ف شكلها ( قصه شعر - لون شعر - لينسز - لابسه حاجه جديده - مستحميه لا قدر الله ) حاول تركز وتبدي إعجابك علشان ما يجيلهاش احباط .
١٠- مش كل ما عيل من القرود ولادك يعمل حاجه غلط تقولها ( ادي تربيتك ياهانم ) علي أساس ان سيادتك عابر سبيل .

وانتي ايضا عزيزتي المرأه تخلصي الآن من هذه العبارات ال 10 لتصبحي امرأه جميله وجديره بالرجل المصري المشرق دائما ( يارب سامحني) :
- مخنوقه
- مش طايقه أكلم حد
- روحي بقت ف مناخيري
- بتخانق مع دبان وشي
- اخفي من وشي الساعادي
- الواحد زهق من كل حاجه
- سيبني ف حالي دلوقتي
- المركب اللي تودي ( دي مش فاهمها )
- ربنا يخدني من وشكوا
- عفاريت الدنيا بتتنطط ف اودامي .

صدقونى ياجماعه لو كل زوج وزوجه بطلو ال 10 حاجات دول بجد ومن قلبهم ومن غير اصطناع او افتعال صدقوني ..... برضو مافيش فايده والخلع مافيش احسن منه .

منقول

[Mary Naeem]

مشاركة جميلة جدا

ربنا يبارك حياتك

[Rena Jesus]

ميرسى لمرورك الغالى

[مورا مرمر]

حلو اوووى الموضوع ده يارينا
ربنا يباركك

[Rena Jesus]

ميرسى لمرورك الغالى

[marit jesus]

حلووووووووووو جدا يارينا

[Rena Jesus]

ميرسى لمرورك الغالى

[walaa farouk]

ميرسي على مشاركتك الجميلة

[Rena Jesus]

ميرسى لمرورك الغالى