| |
|
|
|
|
|
||||||
 |
|
|
أدوات الموضوع | انواع عرض الموضوع |
|
#1
30 - 06 - 2016, 05:33 PM
|
||||
|
||||
|
اخترناك تكون سفير انت ايوه انت تعالى عند لك خبر حلوووو جدااااااا انا عرفت انه تم اختيارك سفير !! ايوه بجد صدقني مبهزرش انت مستغرب ليه كده اهدا بس وانا هفهمك دلوقتى  اخترناك سفير بس تعالى بقي اسمع شروط انك تكون سفير 1- بيسيب وطنه الاصلى 2 - بيعيش غريب ف وطن تانى 3- ذكى جدا 4 - امين و مخلص جدا جدا 5 - دارس قوانين بلاده كويس جدا 6 - ممثل عن رئيس الجمهوريه ووطنه 7 - مسئول عن اولاد وطنه ف الغربه 8 - عدم ادانة اولاد دولته امام الغريب ملاحظات .. 1_ اختيار السفير ده اجبارى يعنى مينفعش الشخص يرفض 2_ السفير ده لو نفذ كل شئ مطلوب منه بيفضل مكمل وطبعا بيقبض مرتب كبير جدا 3_ لو السفير ده خان وطنه واكتشفت خيانته بيتم اعدامه علنا قدام جميع الناس تعالوا بقي نطبق الكلام ده روحيا اذ نسعي كسفراء عن المسيح كأن الله يعظ بنا (2كو 20:5 ) تخيلوا احنا ايوه احنا ربنا بنفسه اختارنا نكون سفراء عنه ع الارض طيب تعالوا كده نشوف هل الشروط هاتنطبق علينا ولا لا 1_ يسيب وطنه الاصلى وده شرط متوفر فينا كلنا سيبنا وطنا السماوى وجينا هنا سفراء على الارض 2_غريب لأننا نحن غرباء أمامك، ونزلاء مثل كل آبائنا. أيامنا كالظل على الأرض وليس رجاء (1 اخ 15:29)هل احنا حاسين اننا غرب فعلا عن الارض وان ده مش وطنا الاصلى ومصيرنا ف يوم هانسيبه شئنا ام ابينا ؟؟!! 3_ ذكى جدا الغبي يصدق كل كلمه اما الذكى فينتبه لخطواته (ام 15:14) الذكى يبصر الشر فيتوارى ام الاغبياء يعبرون فيعاقبون (ام27:12) ياترى احنا اذكياء فى طريقنا الروحي صاحيين و مركزين لحروب عدو الخير و قادرين نصده ولا بسهوله جدا ممكن يوقعنا ف اى خطيه ؟؟!! 4_ امين و مخلص جدا جدا كن امينا الى الموت فساعطيك اكليل الحياه (رؤ2:10) هل احنا امناء ف حياتنا الروحيه مخلصين ف عشرتنا مع ربنا بندي لربنا حقه ف الوقت بتاع يومنا بنديله حقه ف اعمالنا اليوميه بنديله حقه كأب عايز يفرح باولاده ؟؟!! 5_ دارس قوانين بلاده كويس جدا طيب ياترى بقي احنا دارسين قوانين السما كويس عارفين تعاليم كتابنا المقدس والاهم من الدراسه والمعرفه ياترى بننفذ اللى عارفينه ولا لا ؟؟!! 6_ ممثل عن رئيس الجمهوريه ووطنه ودي من اهم الصفات اللى بتتوافر ف السفير انه بيكون ممثل عن رئيسه وبلده ف البلد اللى هو عايش فيها طيب هل الكلام ده بينطبق علينا هل احنا ممثلين فعلا للمسيح هل اللى بيشوفنا بيشاور علينا ويقول اولاد المسيح فعلا ؟؟!! 7_ مسئول عن اولاد وطنه ف الغربه لاني جعت فاطعمتموني عطشت فسقيتموني كنت غريبا فأويتموني عريانا فكسيتموني مريضا فزرتموني محبوسا فأتيتم الي السفير ف اى دوله بيكون مسئول عن حمايه اولاد وطنه اللى عايشين معاه طيب احنا حاسين اننا مسئولين عن اخواتنا المسيحيين سواء اخوة الرب او المرضي او المسجونين بنسال عنهم بنشوف طلباتهم ولا كل واحد بيقول يلا نفسي ؟!! 8_ عدم ادانه اولاد وطنه امام الغرباء لو حصل مثلا وحد من اولاد وطنه اخطأ ف البلد اللى عايشين فيها وحبوا يعاقبوه هناك السفير بيرفض وبيطالب انه يرجع يتعاقب ف بلده ويخضع لقوانين بلده بس لان ممكن اى دوله تكون بتكره دوله تانى فتحكم ظلم ع الناس الغرباء دول طيب هل احنا بنطبق ده يعني لو حد من اخواتى غلط قدامى انا بدافع عنه بقول انى مش هدينه واسيبه الادانه دي لربنا ف اليوم الاخير لما كلنا نرجع لوطنا الاصلى ولا بدي لنفسي السلطان انى ادينه واحكم عليه ؟؟!! نيجي بقي للملاحظات 1_ اختيار السفير اجبارى ايوه كلنا ربنا اللى اختارنا نكون سفراء عنه منقدرش نرفض ده 2_ مكافاة السفير من يغلب ويحفظ اعمالى الى النهايه فساعطيه سلطانا على الامم (رؤ2:26) طبعا لو عيشنا حياه جهاد حقيقي وعشرة حلوة مع ربنا ونفذنا وصاياه هتكون مكافأتنا كبيره جدا ومفيش مكافاه اكبر من السما والملكوت وهنكون مستحقين اننا نسمع من ربنا نعما ايها العبد الصالح والامين كنت امينا فى القليل فسأقيمك على الكثير 3_ عقاب السفير اذهبوا عني يا ملاعين الى النار الابديه المعده لابليس وملائكته (مت41:25) عقاب السفير الخاين ده اشد عقاب بيتم اعدامه علنا قدام كل الناس وده اللى هايحصل ف اليوم الاخير هايتم عقاب الخاطي قدام الكل بس يمكن الاعدام لحظه وبينتهي لكن الجحيم ده حياه للابد فياااااااريت نقدر ده ونفهمه ونعمل كلنا لحياتنا الابديه ونحيا كسفراء عن المسيح اذكرونى فى صلواتكم mrmr bent elbaba 
|
|
#2
30 - 06 - 2016, 05:33 PM
|
||||
|
||||
|
ميرسي على مشاركتك الجميلة
|
|
#3
30 - 06 - 2016, 05:40 PM
|
||||
|
||||
|
موضوع مميز شكرا يا مرمر
|
|
#4
30 - 06 - 2016, 05:46 PM
|
||||
|
||||
|
موضوعك رائع وقيم جدا ربنا يبارك حياتك
|
|
#5
30 - 06 - 2016, 05:56 PM
|
|||
|
|||
|
ربنا يبارك حياتك
|
|
#6
30 - 06 - 2016, 06:02 PM
|
||||
|
||||
|
موضوع رائع فى منتهى الجمال ومهم للغاية وبجد انا استفدت منه كتير
ربنا يبارك ويثمر خدمتك ياقمر
|
|
#7
30 - 06 - 2016, 06:03 PM
|
||||
|
||||
|
موضوع جميل جدا
|
|
#8
30 - 06 - 2016, 06:59 PM
|
|||
|
|||
|
ربنا يعوضك
|
|
#9
30 - 06 - 2016, 07:30 PM
|
|||
|
|||
|
موضوع بجد اكثر من رائع
احنا فعلا سفراء على الارض ربنا يفرح قلبك
|
|
#10
30 - 06 - 2016, 09:41 PM
|
||||
|
||||
|
جميله جداااااااااااااااااااااااااااااااااااااااااا
ربنا يفرح قلبك
|
|
| أدوات الموضوع | |
| انواع عرض الموضوع | |
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| فكر بعقلية سفير اتحرك سفير في كل دواير حياتك | walaa farouk | قسم المواضيع المسيحية المتنوعة | 0 | 05 - 02 - 2024 07:18 PM |
| هل تريد أن تكون سفير سلام ليسوع اليوم | walaa farouk | مواضيع وتأملات روحية مسيحية | 0 | 11 - 02 - 2021 02:40 AM |
| اخترناك سفير بس تعالى بقي اسمع | Mary Naeem | قسم المواضيع المسيحية المتنوعة | 0 | 30 - 06 - 2016 05:42 PM |
| سفير جوبا بالقاهرة جنوب السودان لم ولن تكون عدوة لمصر | Mary Naeem | قسم الأخبار العالمية والمحلية | 0 | 11 - 11 - 2015 04:24 PM |
| معتصمو الدستورية يرددون أغنية "اخترناك" للرئيس مرسى | Mary Naeem | قسم الأخبار العالمية والمحلية | 0 | 03 - 12 - 2012 02:17 PM |
العرض العادي
