الحب يطرد الخوف

[walaa farouk]

+ بعد أن تعرفت #السامرية علي شخص #يسوع والتهب كيانها وقلبها بحبه ذهبت تنادي وتكرز تعالوا انظروا انسان قال لي كل مافعلت ...
ولأن حبها كان كبير غلب خوفها من الفضيحة ومن الناس ومن الاحساس بالخزي ...واتحولت من خاطية وزانية لخادمة وكارزة شجاعة وقوية باسم يسوع ..
+ وبعد أن تعرفت #مريم_اخت_لعازر ساكبة الطيب علي شخص يسوع وحبته من كل قلبها ذهبت لتسكب الطيب علي شخص ربنا يسوع المسيح ب300 دينار !! ماوقفهاش غلو تمنه ولا وقفهاش خوفها من الزحمة والناس الكتير اللي حوالين يسوع ولا وقفهاش نظرات الحاقدين زي يهوذا التلميذ الخائن مشفتش حد قدامها غير ربنا اللي حبته من كل قلبها وحبه فاق كل حب للمادة وللبرستيج و رخص في عنيها كل شئ سواه ..
+ وبعد أن تعرفت #المجدلية علي شخص #المخلص ربنا يسوع وأخرج منها 7 شياطين #حبها_غلب_كل_خوف جواها وراحت تتبعه في كل مكان لكن أهم موقف ليها انها تبعته لغااااااااااااااااااااية #الصليب !!
أيوة لغاية الصليب #الحب خلاها متخافش في الوقت اللي #بطرس الصخرة خاف وأنكر هي المرأة الضعيفة مخافتش لكن تبعته وراحت وراه لغاية الصليب مخافتش ولا من رؤساء الكهنة ولا من الجنود الرومان قساة القلوب ولا من الجموع اللي نادت أصلبه ولا من #معايرة الناس ليها بماضيها والشياطين اللي كانت عليها ..
قد كده الحب بيقوي قد كده ؟؟ !!!
+ + طوباكي يا مجدلية ياللي بسبب حبك العظيم غفرت خطاياك واستحقيت انك تكوني #أول_مبشرة #بالقيامة وان ربنا يسوع القائم من الأموات يظهرلك في فجر الأحد ويختارك انت علشان تنقلي #البشارة للتلاميذ ولبطرس ..
+++++++++++++++++++++++++++++++++++++++
أديني ياربي يسوع المسيح بقوة قيامتك اني أحبك من كل كياني قلبي وعقلي ونفسي علشان أقدر أكون ان كمان شاهدة ليك بكل قوتي ولآخر نفس في حياتي .
+++++++++++++++++++++++++++++++++++++++
"مُسْتَعِدِّينَ دَائِمًا لِمُجَاوَبَةِ كُلِّ مَنْ يَسْأَلُكُمْ عَنْ سَبَبِ الرَّجَاءِ الَّذِي فِيكُمْ"
(1 بط 3: 15).

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسي على مرورك الجميل مارى