بايدى صلبتك

[walaa farouk]

بإيدى صلبتك، بصوتى نكرتك، وبإيدي بعتك ولا يوم رجعت ليك.
هربت و نادتنى، بحبك مليتنى، و رافض رجوعى مصمم اقسي عليك.
تفدينى و انا بنكر اسمك و شارينى و ياما بإيدى بعتك، تحضننى و انا كلى آثام، بإيدي انا طعنت فى جمبك.

[Mary Naeem]

صورة فى غاية الروعة

ربنا يفرح قلبك

[ميرو]

رووووووووووووعه

[walaa farouk]

مارى
ميرو
ميرسي كتير على مروركم الغالى

[Emo]

كان المفروض تستاذنى من الكاتب قبل ماتنشريها

[walaa farouk]

المشاركة الأصلية كتبت بواسطة emo

كان المفروض تستاذنى من الكاتب قبل ماتنشريها

على فكرة انا معرفش مين كاتبها عشان استأذن
هى عجبتنى فنشرتها مش اكتر ولو فيه اى ملاحظات
كان ممكن حضرتك نتكلم فى رسالة خاصة
مش بالطريقة ديه وشكرا

[Emo]

اولا انا بعتذرلك لانى مش قاصد اضياقك
ثانيا لما جيت ابعت على الخاص طلب منى انى انشر 25 موضوع وانا مش هعمل كده
ثالثا ممكن من فضلك تمسحيها
رابعا لو الترنيمة مش عندك ممكن ابعتهالك كاملة mp3 دا علشان اصالحك

[sama smsma]

حضرتك هى مش منزلاها فى قسم مواهب مسيحية
ولا كاتبة اسمها تحت الكلمات ولا راحت عملت الترنيمة بصوتها وسجلتها باسمها
يعنى ماتقلقش ماحدش بياخد تعب حد هنا وينسبه لنفسه
دى كلمات جزء من ترنيمة عجبتها ونقلتها للفائدة والتعزية مش اكتر
النت كله مليان ترانيم معروفة مكتوبة مش مكتوب عليها اسم الكاتب
حضرتك شرفتنا ونورتنا وربنا يعوض تعب محبتك واحنا اسفين لو ضايقنا حضرتك
قولنا اسم حضرتك علشان نكتبه تحت الترنيمة

[walaa farouk]

المشاركة الأصلية كتبت بواسطة emo

اولا انا بعتذرلك لانى مش قاصد اضياقك
ثانيا لما جيت ابعت على الخاص طلب منى انى انشر 25 موضوع وانا مش هعمل كده
ثالثا ممكن من فضلك تمسحيها
رابعا لو الترنيمة مش عندك ممكن ابعتهالك كاملة mp3 دا علشان اصالحك

انا فعلا اتضايقت جدا..... بس زى ما سما بتقول لحضرتك
انا مكتبتش اسمى عليها ده اولا
ثانيا ..مفيش اى حد جوه المنتدى بيسرق تعب حد
وأظن أن النت والفيس مليانين ترانيم مش مكتوب عليها أسماء
ثالثا ...انا اسفة مش همسحها لان الموضوع مش مستاهل كل إللى حضرتك عامله ده لان فيه ناس بتفرح لما يتنشرلها حاجة جوة منتدانا منتدى الفرح المسيحى
رابعا بقا وده الأهم انا محطيتش اسمى عليها عشان امسحها

[Emo]

صدقونى انا لما اتكلمت مكنش قصدى انتوا او المنتدى بس انا اتسرق منى ترانيم واتعملت فى شرائط وعلى فكرة انا بحترم كلمكوا جدا وياريت محدش يكون زعلان منى ... وربنا يعوض تعبكوا