معجزه حصلت معاااك ومعاكى البابا شنوده الثالث

[ميرو]

سلام ونعمه يا احلي اعضاء في احلي منتدي
الفرح المسيحي



كل سنه وانتو طيبين
بمناسبه عيد نياحه قداسه البابا شنوده
17 مارس


الكل يحكي ويقول

معجزه حصلت معاااك ومعاكى ( البابا شنوده الثالث ) او موقف
بركه صلوات قديس هذا العصر تكون معانا جميعاااااا

[sama smsma]

البابا شنودة حنين جدا علينا
وقت وجودة على الارض وسطينا
عمل معجزة حلوة لاندرو ابنى
لما اندرو كان راجع من المدرسة وانا كنت مشغلة وعظة للبابا شنودة فى التليفزيون
المفروض فى سواق بيجيبه بعربيه ملاكى عادية بتجيب الاطفال من المدارس
علشان ماكانش لسة فى اتوبيسات للمدرسة
احنا فى مدينة جديدة خالص لسة
المهم السواق اتصل بينا وقالنا اندرو مش لاقيه فى المدرسة
كان خرج لوحده ومشى كتييييييير فى شوارع هو مايعرفهاش بعيدة عن البيت
انا ناديت على البابا شنودة وقولتله ارجوك جيبلى اندرو
فى نفس اللحظة اللى كنت بكلمه فيها لقيت اندرو نازل من عربية سواق تانى
كان بيوصله السنه اللى قبلها
قالنا انا ماعرفش اية اللى خلانى امشى من الطريق دة هو مش طريقى اصلا
وانا ماشي بالصدفة لقيت اندرو وقولتله اية اللى جابك هنا انت كمان
فقولتله تعالى اوصلك البيت
اد اية انت حنين يابابا شنودة

[محتاجه لايدك ياربى]

بركة صلواته تكون معانا امين

[Ramez5]

البابا شنودة له مواقف كتير
ولمسنا بركته وسطينا
اغلبنا اتقابل معاه وسلم عليه
وانا من ضمن بعض الأشخاص اللى أخدت منه بركة
ولازلت أشعر حتى الأن ان البابا شنودة عايش وسطينا ...

[morcos20]

+
بركـة شفاعتك وصـلاتك معنـا ياقداسة البابا شنودة أجمـعين
يامـن تحمـلت الجهـلاء وظلــم القتــلة السـفهاء والسـفاحين
وأنقـذت بنـاتك من بين أنيـاب الذئاب بحكمة وصـبر القديسين
وإنتقمت عدالة السماء من القتلة تحت قدميك ومن الكاذبين
بركة صـلواتك أيهـا البار لتزدهـر كنيستنا بين زهـور وبســاتين
+
مرقس إسـكندر مقار

[Mary Naeem]

البابا شنودة عايش معنا في وسطتنا
هو فرقنا بالجسد لكن روحه معنا

[walaa farouk]

انا افتكر إنى مرة اخدت منه بركة وصلى ليا
وكنا وقتها رايحيين علشان نرشح أب كاهن للكنيسة كمجموعة من الخدام وكنت فرحانة جدا انى شوفته وعلى فكرة ادانى كمان شيكولاته ههههههههههه

[dodo dodo]

كل سنة وانت طيب يا سيدنا يا عملاق

[Ƒ̐ὰ̗đƴ]

البابا شنودة اب عظيم ومعلم قوى وحكيم
وعلامة قوية ومؤثرة عبر التاريخ

[nasser]

أنا فى موقف لا انساه حصل معايا مع البابا شنودة
بعد ما اتخرجت من كلية التجارة جامعة عين شمس وكنت حاصل على بكالوريوس محاسبة واشتغلت بعدها فى مكتب محاسبة
والمكتب كان بيراجع حسابات الكاتدرائية وكنت مع زمايلى المراجعين فى غرفة بالكاتدرائية لمراجعة الحسابات
وفجأة سمعنا هيصة برة ولقينا البابا خارج من المقر البابوى لتوزيع الشيكولاتة وخصوصاً كان فى وفد أجنبى
وذهبت وسط الزحمة ومديت ايدى علشان اخد نصيبى من الشيكولاتة والبابا لما شفنى قالى استنى لما الضيوف ياخدوا الأول(قصده على الوفد الأجنبى)...وعلشان أنا بازعل بسرعة من أى حاجة من زمان سحبت نفسى فى هدوء واخدت طريقى علشان امشى واذهب إلى الغرفة اللى بنراجع فيها
فوجئت بالناس كلها بتندهلى وبتقولى تعال البابا عايزك
وذهبت إلى البابا وقالى انت زعلت وفوجئت بأنه قالى:افتح ايدك وأعطانى مجموعة كبيرة من الشيكولاتة ورجعت فرحان
هذا موقف لا انساه لمعلم الأجيال ومؤلف الكتاب الروحى العظيم
"انطلاق الروح"
وعلى مرور حياتى كل ما أكون فى مكان ونفتح سيرة البابا شنودة والذكريات واحكى هذا الموقف لأصدقائى وحبايبى
شكراً يا ميرو على هذا الموضوع الجميل
ربنا يبارك خدمتك الجميلة