|
 |
 |
 |
|
رقم المشاركة : ( 1 )
14 - 02 - 2016, 09:59 AM
|
|||||||||||
|
|||||||||||
|
الفشـــل ----------كان كريم ... شاباً لطيفاً ... محبوباً من الكل ... ولكنه كسول. دخل كلية الصيدلة... ولم يقدر أن يتحمّل المذاكرة الكثيرة... وبدأ يتعثر... سقط كريم أول سنة... وأعاد السنة... وبصعوبة خلص أول سنة ودخل سنة ثانية . وفى منتصف العام... أدرك أنه لا شك سيسقط ثانية... وبدأت سلسلة من الهواجس والمخاوف "أنا فاشل... أنا مش نافع... مافيش فايدة... طيب أغيّر الكلية... هاقول ايه لأصحابى... هاتأخر عن دفعتى... مش هينفع أدخل الكنيسة وأقف شماس... كلهم ناجحين ومُنطلقين. ودخل كريم فى دوامة الاحساس بالفشل . كان والده بالجسد وأبوه الروحى دائماً التشجيع له... ولكنه كان لا يسمع واستسلم للنوم، "هاروح الكلية أعمل اية... مافيش فايدة". وكان أبونا يحب خدمة الملاجىء... وبيوت الايواء... فقال له: "كريم... عاوزك تيجى تساعدنى فى خدمة أطفال مارجرجس". " ماعرفش أخدم يا أبونا". " بس تعالى معى أول مرة وجرب... هتعلمهم ألحان". " يا أبونا... أنا حتى بطلّت أقف شماس... وأنت عارف انى مقضيها نوم وكمبيوتر وبلاوى". " يا حبيبى تعالى بس وجرب". ذهب كريم مع أبونا الى بيت الايواء... ووجد حوالى ثلاثين طفلاً مختلفى الأعمار... آخر شقاوة... وقال فى باله في أول مرّة "مش ناقصهم". أبونا قال "يا أولاد... الأستاذ كريم هايعلمنا الحان كل يوم خميس الساعة 6، وفيه جوائز لأحسن واحد هيحفظ". بدأ كريم الخدمة بتثقل... لم يكن يثق فى نفسه... ولم يكن كل الأولاد مُريحين... وكل شوية يسَكِّت الفصل الا أن أكثر من ولد بدأوا يرتبطوا به... وينتظرونه... فزاده هذا الشعور التزاماً. وفى أحد المرات وجد كريم ولد فى ثالثة ابتدائى يبكى... فسأله "مالك يا ابرام" "أنا سقطت فى لحساب وبيشوى قال لى يا فاشل". وقعت الكلمة على كريم كالرصاص "لأ يا حبيبى ... أنت مش فاشل ... المرّة اللى جاية هتنجح". "أنا فيه حاجات مش فاهمها... والأستاذ مش بيشرح فى المدرسة وبيزعق فى أى حد بيسأل". تحمس كريم وقال له... "ايه رأيك بعد درس الألحان هات كتاب الحساب ونشوف المسائل الصعبة مع بعض؟". تعلّق كريم بابرأم... وبدأ يقضى معه ساعتين اسبوعيآ... ونجح ابرأم... وأكتشف كريم أنه ذكى جداً... وتقّدم المشرف لكريم قائلاً "ممكن يا كريم تساعد أولاد سنة ثالثة كلهم فى المذاكرة... عندنا مشاكل كثيرة". "حاضر يا أستاذ جرجس... هاشوف يوم ثانى... ونتفق". رجع كريم فرحاً... وشعر ان نجاح ابرأم... نجاح له... وفى هذه الليلة أمسك كريم بكتب الصيدلة... التى علاها التراب... لأول مرّة من شهور... وقال "أنا كمان ممكن أنجح". ويا للعجب!!!! استطاع أن ينجح هذه السنه بالرغم من تأخره وأصبح الوقت كله ما بين الكنيسة والكلية والمذاكرة وبيت الايواء. ومرت السنين تباعاً... وتفوق كريم... ورجع شماس محبوب... وعمل بيت الايواء حفل لكريم... وكل الأولاد جابوا هدية... وتقدم ابرأم بالهدية لكريم قائلآ "مبروك يا دكتور". فأجاب كريم ابرأم: "أنت السبب فى نجاحى ... أنا عمرى ما هانساك" 
|
|
14 - 02 - 2016, 10:59 AM
|
رقم المشاركة : ( 4 ) | ||||
|
..::| الإدارة العامة |::..
|
رد: الفشـــل / الخدمة هي الحل
ميرسي على مشاركتك الجميلة ماجى
|
||||
|
|
|
14 - 02 - 2016, 11:07 AM
|
رقم المشاركة : ( 5 ) | ||||
|
..::| العضوية الذهبية |::..
|
رد: الفشـــل / الخدمة هي الحل
الخدمه بتغير ناس كتير
بتحولهم من خطاه واشرار الى قديسين ميرسى ماجى حبيبتى |
||||
|
|
|
14 - 02 - 2016, 12:15 PM
|
رقم المشاركة : ( 9 ) | ||||
|
† Admin Woman †
|
رد: الفشـــل / الخدمة هي الحل
مشاركة جميلة جدا ربنا يبارك حياتك |
||||
|
|
|
14 - 02 - 2016, 02:40 PM
|
رقم المشاركة : ( 10 ) | ||||
|
..::| مشرفة |::..
|
رد: الفشـــل / الخدمة هي الحل
الله حلوة جدا
والخدمة احلى ميرسى ليكى ياماجى على قصصك الحلوة |
||||
|
|
 |
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| الخدمة هي الحل |
| المرض / الخدمة هي الحل |
| الخدمة هي الحل |
| الخدمة هي الحل (1) |
| الخدمة هى الحل |
العرض العادي
