ياريت تفهموا عقيدة كنيستنا الارثوذكسية

[walaa farouk]

الرد على هجوم البعض على رفض الكنيسة الصلاة على الأموات من الهراطقة عموما والبروتستانت
اولا...نحن لا نصلى على الأموات البروتستانت لأنهم بروتستانت وينكرون اسرار الكنيسة هما إللى رفضوا
والبروتستانتية عقيدة تعتبر الصلاة على الموتى بدعة
قبل ما ارد على موضوع البروتستانت احب اقول لكم الصلاة على الموتى أمر كتابى بولس نفسه صلى على تلميذه لما مات (ليعط الرب رحمة لبيت انيسفورس لأنه مرارا كثيرة اراحنى ولم يخجل بسلسلتى17 بل لما كان فى روميه طلبنى باوافر اجتهاد فوجدنى 18 ليعطه الرب ان يجد رحمة من الرب فى ذلك اليوم وكل ما كان يخدم فى افسس انت تعرفه جيدا
رسالة بولس الرسول لتيموثاوس الرسول الثانية الإصحاح الأول
الرد على موضوع عدم الصلاة على الهراطقة عموما
قوانين الكنيسة تمنع الصلاة على من لهم إيمان منحرف أو الذين ماتوابالخطية يعنى لو شخص مات منتحر اومات بالمخدرات اما هذا الشخص فخالف الكتاب المقدس ان الزيجة سر يقوم به الكاهن ليوحده بزوجته وتتم الزيجة كسر كنسى واتعجب من البروتستانت
اولا عايزين دليل ان الكنيسة رفضت تصلى عليه
ثانيا البروتستانت أنفسهم بيرفضوا اصلا الصلاة على الموتى وبيعتبروها بدعة يعنى شئ عجيب وغريب بس صدقونى هى حرب بروتستانتية لتشويه الأرثوذكسية ولكن لو الشاب إللى مات كان لا يعترف بأسرار الكنيسة تخيلوا شخص قال اسرار الكنيسة ديه بدعة ووثنية وانا ارفضها فباى حق نصلى عليه هو رفض الكنيسة وايمانها وجحد بيه وانا أظن لو قام من الموت كان هيقول مش عايز كهنه يصلوا عليا اصلا مفيش كهنوت ولا اسرار كنسية والايقونات دى أصنام وأسرار الكنيسة أصنام
هو الذى اختار هو هو حر انا عارف ان الناس مصدومة لان المصير الذى اختاره العروسين مرعب ومفزع بس دى نتيجة اختياره
وده جرس لكل إنسان توب ..توب...توب ومتلعبش بخلاصك لأنه عند الموت هتصمت وتواجه مصيرك ارجع لكنيستك واحفظ الإيمان أزاى هنصلى على حد مش ارثوذكسى ونقول ثبتنا فى إيمانك الارثوذكسى ونتكلم عن الشركة مع المنتقلين وهو لا يؤمن بالشركة مع المنتقلين
هل تؤمن بالشفاعة بين الأحياءو المنتقلين ؟هل تريد الثبات على الإيمان الارثوذكسى ؟
هل تعرف اسرار الكنيسة ؟
كنيستنا القبطية ليست طائفة بل هى الإيمان المسلم مرة من آبائنا القديسين
لولا صمود أجدادنا الأقباط ماكنت مسيحيا لليوم
رسالتى لكل بروتستانتى ولكل من ركب الموجه ومحدش ينسى ان حنانيا وسفيرة لما ماتوا الرسل والكنيسة لم تصلى عليهم رغم أنهم مؤمنين بس كذبوا على الرسل وماتوا فكم بالاحرى بالبروتستانت الذى ينكر إيمان الرسل وأسرار الكنيسة وايضا يهوذا الذى كان رسول مات بس بأنه مات منتحر وانحرف عن الإيمان لم يصلى عليه أحد وهكذا كل المنحرفين عقائديا والذين رفضوا إيمان وتسليم الرسل لا تصلى الكنيسة عليهم فهل نهاجم الرسل والمسيح والكنيسة لأنهم لم يصلوا على واحد كان رسول وهو يهوذا أو اتنين مؤمنين هما حنانيا وسفيرة
نحن لانحكم عليهم بل نحن نعلم حكم الإنجيل سأعطيكم مثال بسيط البرونتسانت بيرفضوا اسرار الكنيسة وفى كتاب لهم نشره
معبد قصر الدوباره صفحة 528 بيقول ان من يؤمن بجسد ودم وبالتناول هو عابد أصنام ومفيش مذبح ولا كانوا ولا جسد ولا دم دى عبادة أصنام طيب ناس إيمانهم كده نصل عليهم أزاى لو صلينا عليهم يبقى لتعترف بايمانهم الفاسد هذا ربما واحد يقولى انت بتحكم عليهم أنهم راحوا جنهم هو انت ربنا
اجاوبك بالاتى اولا البروتستانت لا يؤمن بالصلاة على الموتى ولا بالكاهن . الذى سيصلى
ثانيا انا أعلن حكم ربنا ولا أحكم يعنى ربنا قال (فقال لهم يسوع ألحق ألحق أقول لكم أن لم تأملوا جسد ابن الإنسان وتشربوا دمه فليس لكم حياة فيكم)يو53:6
(أجاب يسوع ألحق ألحق أقول لك ان كان احد لا يولد من الماء والروح لا يقدر ان يدخل ملكوت الله)( ..يو5:53)
يعنى ربنا هو إللى حكم من لا يعتمد بيد كاهن ومن لا يتناول هو يهلك مش انا وانا مقدرش أغير حكم ربنا ياريت البروتستانت يفوقوا بعد الموت مفيش فرصة واحنا مش هنخاف وهنعلن حكم ربنا مهما اتهمونا بالتعصب
وفي سؤال محيرني انتم رفتضم الأرثوذكسية وجحدتم ايمانها وانتم احياء مرحتوش ليه تصلوا عليهم عند البروتستانت
هل لان البروتستانتيه فى نظركم صلاتها باطله طيب ليه عشان فى حياتكم ولا البروتستانت بينظروا للصلاة على الموتى أنها بدعة ولا حاسين أنه مات على إيمان غلط وعايزين تصريحات ضميركم بصلاة الكنيسة الحقيقية التى هى الأرثوذكسية
عجيب شخص رفض يدخلها على رجليه وجاى يدخلها وهو على ظهره!!!! ياريت تقروا سفر العدد إصحاح 16 قصة قورح وداثان وابرام لما قاموا على الكنيسة وقالوا كلنا كهنه وهاجموا الكنيسة ايه إللى حصلهم
احترموا البروتستانت يستغلون اى فرصة عشان يهاجموا الكنيسة الأرثوذكسية عشان أولادها يكرهها ويروحوا عندهم
فوقوا توبوا دى ناس رفضت الكنيسة وهى عايشة وجايين فى موتهم عاوزين يدخلوها لا بعد الموت مفيش فرصة انت اخترت اتحمل نتيجة اختيارك
الخلاص مش لعبه واديكم شفتم شخص مات وراح فين حسب حكم ربنا شئ صعب توبوا جميعا واتعظوا هذا درس لكم
أختم لكم بآيات من الكتاب المقدس
لتمت نفسى موت الأبرار ولتكن اخرى كاخرتهم (عد10:23)
الأشرار يرجعون إلى الهاوية كل الامم الناسين الله (مز17:9)
ابغضت جماعة الآثمة ومع الاشرارلا أجلس (مز5:26)
لاتجذبنى مع الأشرار ومع فعلة الإثم المخاطبين اصحابهم بالسلام والشر فى قلوبهم (مز3:28)


وهذا كان رد نيافة الانبا رافائيل على الهجوم الشرس من الكنيسة البروتستانتية وبعض وسائل الإعلام
وايضا هو رد على كل شخص يهاجم الكنيسة الارثوذكسية من بعيد اوقريب ومن الواضح أنها مؤامرة على الكنيسة الأرثوذكسية والإيمان الصحيح. لهذا كان رد سيدنا الانبا رافائيل واضحا وصريحا وبالادلة الكتابية وأنها ليست مجرد اجتهادات

[Mary Naeem]

ربنا يبارك حياتك

[حنان بنت المسيح]

موضوع مهم وجميل
ربنا يبارك تعب محبتك يا ولاء

[walaa farouk]

مارى
حنان
ميرسي كتير على مروركم الجميل