فاكرين لما الشباب ماتت يوم عيد الميلاد فى كنيسة نجع حمادى
فاكرين لما شوفنا بعنينا الناس بتموت فى كنيسة القديسين فى اسكندرية
فاكرين لما كنا شايفين عربيات الجيش بتدوس على ولادنا فى ماسبيرو
فاكرين لما الناس اللى بتخدم معانا شباب وشابات بيموتوا صغيرين ويبقوا اصحابنا واخواتنا
طب فاكرين شهداء سمالوط اللى قتلهم داعش وسمعنا صوت يسوع بينهم بكل قوة بقالنا من 2010 لحد انهارده بنشوف ناس بتموت قصاد عنينا ونلاقى شباب صغير شايل تابوت صاحبه وبيدفنه بايديه
فاكرين لما كل لحظة من دول قلنا هنتغير وكفايا خطايا وكفايا استهتار وغيرنا صور الفيس وحطينا صلبان وقديسين واتاثرنا شويه وقلنا خلاص ( امتى هيجى دورى ) وللاسف شهر والتانى كله بيتنسى ويدوبك كل سنة نفتكر صحابنا اللى ماتوا ونقول ( وحشتنى يا صاحبى ) وشكرا على كده لكن لسه ما تغيرناش بجد لسه معشناش مع ربنا بجد
الموت بياثر على اللى عايشين
موتنا عن العالم بحق هو اللى هيغيرنا
لمسه يسوع اللى بحق هى اللى هتغيرنا
اللى ماتوا دلوقتى عايشين
موت الناس اللى بنحبهم هنتاثر ببعدهم وهانقول انا كمان نفسي اموت
بس الانذرات الكتير من غير تغييير بعدها بيبقى طرد
تعالوا نقوله ( غيرنا بالروح والحق ...وغيرنا انك تموت فينا العالم ...غيرنا بروحك القدوس اهدم الخطية اللى فينا علشان يوم ما يجى وقتنا نبقى كلنا مستعدين...)
الموت
