توما والتكنولوجيا

[walaa farouk]

ثم قال لتوما (هات اصبعك إلى هنا وابصر يدى وهات يدك وضعها فى جنبى ولا تكن غير مومن بل مؤمنا) (يو 20-27)
كلنا توما ...لازم نشوف علشان نصدق
معندناش ايمان ، مستحيل نصدق ان حد عنده موهبة انه يشوف احداث بتحصل بعيد عنه .
لكن نصدق ان فى نت يقدر يخليك تشوف الحدث مباشر من اى مكان
نصدق التكنولوجيا لكن صعب نصدق مواهب ربنا هى ديه النقطة ، كل الاعجاز العلمى اللى فرحانين بيه والناس فاكره انه جديد كان موجود من زمان كمواهب روحيه
لكن الناس كانت رافضة علشان كده
ربنا حولها لحجات ماديه عشان نقدر نقبلها
شوف اليشع النبى كان عنده تتبع لجيوش ارام (2مل6-9)
وهو قاعد مكانه يعرف مكان جيش ارام ويخبر الملك
يعرف كل كلمة يقولها ملك ارام ويبلغ الملك
طبعا ... صعب نصدق لكن نصدق ان في قمر صناعي يقدر يرصد ويبلغ
نصدق ان فى اجهزة تجسس نصدق ان فى جى بى اس يحدد مكان اى حد ياااااه لما نقول ان الكنولوجيا تقدر وربنا ميقدرش
ربنا اب حنين ....عارف اننا بنرفض ناخد من ايده مباشرة فيدينا عطاياه بصورة ماديه نقدر نقبلها
ولما اليشع يقف قدام ربنا ويقوله هم فرحانين كده ليه ..هو ده جديد
ماانت بروحك كنت بتدينا اكتر من ده
ربنا اكيد هيقوله ان الناس مش بتصدق عطاياه
مش بتصدق عمل الروح عشان كده اختار طريقة جديدة يقدم لينا بيها حاجات قديمة
كلنا توما لكن صعب نصدق
غريبة مش بنصدق ان ربنا يقدر يعمل حاجة معينة
غير لما الانسان ينجح فى تحقيقها
بس فى ناس بتصدق وبتاخد
مواهب روحيه لكن مين يقدر يتكلم هيقولوا عليه مجنون صح
مواهب الروح فى نظر الناس جنون والتكنولوجيا حقيقة تتصدق ابشع صور الضعف اننا نتخيل ان مواهب الروح اقل من اختراع البشر
كلنا توما ...كلنا توما
..

[Mary Naeem]

مشاركة جميلة جدا

ربنا يبارك حياتك

[walaa farouk]

ميرسى على مرورك الجميل مارى

[nasser]

موضوع جميل جداً
ربنا يبارك حياتك يا ولاء

[walaa farouk]

ميرسى على مرورك الجميل ناصر