|
 |
 |
 |
|
رقم المشاركة : ( 1 )
15 - 10 - 2015, 06:15 PM
|
|||||||||||
|
|||||||||||
|
7 نصائح للحفاظ علي الجلد مع تغيير الطقس  عبر صفحتة الشخصية علي موقع التواصل الاجتماعي نشر الدكتور هاني الناظر عدد من النصائح للمحافظة علي البشرة والجلد في الفترة القادمة والتي تشهد تغير في الطقس ، حيث كتب الناظر :"احنا خلاص في نصف اكتوبر وفاضل أسابيع قليلة والجو هايبدأ باذن الله يتغير والدنيا هاتبرد بالتدريج وانا قلت فرصة من بدري والنهاردة اجازة وحضراتكم متواجدين علشان اقول لكم مجموعة من الخطوات اللي لازم نعملها لما البرد يبدأ علشان نحافظ علي صحة الجلد : ١- الانتظام في شرب السوائل الدافئة خاصة القرفة والزنجبيل والكاكاو بالاضافة طبعا للشاي والقهوة لانها بتساعد علي تدفئة الجسم وتنشيط الدورة الدموية وده مهم للحفاظ علي نضارة البشرة ومنع جفافها ومنع سقوط الشعر وتقصف الأظافر . ٢- نراعي ان غسيل الشعر يكون في حدود مرتين أسبوعيا أو ثلاثة لان كثرة الغسيل اليومي للشعر قد تؤدي إلي تساقطه. ٣- الاستحمام دائماً والوضوء بالماء الدافئ وليس البارد بعكس الصيف لأن الماء الدافئ بيساعد علي توسيع الشعيرات الدموية الطرفية في الايدين والقدمين وفروة الرأس وبالتالي يمنع جفاف الجلد. ٤- مراعاة اخد الدش الدافئ مساء قبل النوم لتنشيط الدورة الدموية واستعمال انواع الصابون المرطبة ما عادا الناس اللي عندها حساسية تستعمل صابون الجلسرين. ٥- استعمال كريمات مرطبة للجلد صباحا ومساء خاصة السيدات والآنسات . ٦- ارتداء الملابس الثقيلة في الايام الباردة للحفاظ علي حرارة الجسم مرتفعة وبالتالي ضمان نضارة البشرة والجلد بصفه عامة ومنع جفافه والحرص علي ارتداء شرابات قطن في المنزل ودهان كعب الرجل بالكريمات المرطبة منعا لجفافه وتشققه. ٧- اخر حاجة دي مهمة وبكررها دايما بلاش حكاية الاستحمام باي نوع من انواع الصابون المطهر نهائيا زي الكبريت أو الديتول أو غيرها لانها بتقتل انواع من الكائنات الدقيقة الموجودة علي سطح الجلد المفيدة والهامة لحيويته بالاضافة انها ممكن تسبب حساسية لبعض الناس". 
|
 |
| أدوات الموضوع | |
| انواع عرض الموضوع | |
|
العرض العادي
