|
 |
 |
 |
|
|||||||
|
|
أدوات الموضوع | انواع عرض الموضوع |
|
رقم المشاركة : ( 1 )
29 - 09 - 2015, 02:09 PM
|
|||||||||||
|
|||||||||||
|
محاكمة شعبية لريهام سعيد بسبب يسري فودة.. نشطاء يدشنون هاشتاج للسخرية من الإعلامية
 حالة من السخرية وجهها نشطاء تويتر لـ"ريهام سعيد" مقدمة برنامج "صبايا الخير"، بتدشين هاشتاج "عليكي وعاللي شغلك وعلى أسياد اللي شغلك"، مؤكدين فيه دفاعهم عن الإعلامي يسري فودة الذي هاجمته ريهام قائلة: "أنت اتشهرت اليومين دول على حسابى.. وأنا مايشرفنيش أبدًا إنك تجيب سيرتى.. ومايشرفنيش تتفرج عليا".. مضيفة أنها "هتضرب نفسها بالنار لو عرفت إن يسري فودة بيشوفها". واعتبر النشطاء الهاشتاج بمثابة محاكمة شعبية لريهام سعيد إبداع قال محمد عبد العزيز: "المحاكمة الشعبية بتاخد أشكال كتيرة لكن ما زال المصريون عندهم إبداع ضد كل قميء - ريهام سعيد انطلقوا.. عليكي وعاللي شغلك وعلى اسياد اللي شغلك". وأضاف أحمد سمير: "يسري فودة يشتهر ع قفاكي انتي يا نكرة.. يسري فودة جاهل يا...! عليكي وعاللي شغلك وعلى أسياد اللي شغلك". وعلق ستيف نبيل: "عليكي وعاللي شغلك وعلى أسياد اللي شغلك كمان مرة.. مستوى ذكاء ريهام سعيد موصلش انها حتى تفهم الناس بتشتمها ليه". ورد دون كيشوت: "يسري فودة اللي يعتبر مرجع إعلامي عالمي عاوز يتشهر على قفاكي يا... عليكي وعاللي شغلك وعلى أسياد اللي شغلك.. إنتي محتاجة عبلة كامل في فيلم خالتي فرنسا تجيب الطبلة وتفرشلك الملاية يمكن تفهمي". وتابع ابن جمال الدين: "يا مسخرة الإعلام.. يا اتنين كيلو مسحوق مكياج منتهي الصلاحية.. عليكي وعاللي شغلك وعلى أسياد اللي شغلك". بكابورت وقالت سعدية سليم: "ده إنتي بكابورت إعلام لوحدك، عليكي وعاللي شغلك وعلى أسياد اللي شغلك.. ده انت بينطبق عليكي المثل من بره رخام ومن جوه سخام". وأضاف محمد إشرين: "يسرى فودة اللى كان شغال في الجزيرة والـBBC عاوز يشتهر على قفاكى يا... عليكي وعاللي شغلك وعلى أسياد اللي شغلك". وعلق جون مجدي، "أتحدى إذا كانت فهمت اللي قاله يسري فودة في التقرير اللي هي جابته في حلقتها عنه". وتابعت سارة أبو السعود: "عزيزتي ريهام سعيد هذه رسالة مسجلة، عليكي وعاللي شغلك وعلى أسياد اللي شغلك".. وردت إيمان عوض: "دي بتقول إن يسري فودة اتشهر على قفاها! يا بنتي يسري فودة ده زي النسر على العلم كده!" الإنسان أصله نيش وقال Abdlla3amer: "ريهام سعيد دى أكبر دليل على إن الإنسان أصله نيش، اللى هو ولا ليه أي تلاتين لازمة بس مخبيين عليه". وأضاف كريم فريد: "أنا لو من خريجي إعلام الجامعة الأمريكية، كنت عملت عريضة للتبرؤ من سيئة الذكر وجمعت توقيعات عليها". وعلقت إيمان هشام: "ريهام سعيد بتقول ليسري فودة "اشتهرت على قفايا اليومين دول ومش هنزل لمستواك" هتنزلي بعد كده لفين؟.. ريهام سعيد قالت هتضرب نفسها بالنار لو عرفت إن يسري فودة بيشوفها معلهش.. ضحي.. صورة واحدة". وتابع طنطاوي: "بقى يسري فودة هو اللي اتشهر على قفاكي يابتاعت الجن والأعمال والعفاريت.. يافرز تالت إعلامييين".. وأضاف أحمد يوسف: "ريهام سعيد عاملة زي الجارة اللي عندها بلكونة على ناصيتين وكل يوم تردح للجيران بعلو صوتها". ورد براء نبيل: "يا عم دي جايبه فيديو ليسري بيشتم مرسي وبتقول إنه بيحبهم يا جدعان دي مش فاهمة عربي أساسا". نقلا عن فيتو 
|
|
العرض الشجري