مين مرتضى منصور ده؟؟؟

[Mary Naeem]

رد نارى من النشطاء على مرتضى منصور بعد إهانته لمريم ملاك


قام مجموعه من النشطاء المصريين بالرد عل إهانة وتطاول مرتضى منصور على مريم ملاك طالبة صفر الثانوية العامة قائلين هذا ردنا على استفسار المستشار (السابق) والنائب (السابق) و السجين (السابق) مرتضى منصور لما سأل : مين مريم دي اللي يقابلها رئيس الوزراء؟
الإجابة هنا يا مرتضى …
– مريم هي طفلة مصرية مجنونة مصابة بحالة نفسية جعلها تتوهم أنها متفوقة لذلك ادعت أنها من أوائل مدرستها طول العمر وادعت أنها تستحق مجموع كبير في الثانوية العامة رغم حصولها على صفر!
– مريم أيضا محتالة فهذا هو خط يدها الذي تدعي أنه ليس لها وقد قرر الجهاز الإداري والقضائي الذي تنتمي له أو كنت ، أنه فعلا خط يدها
– مريم أيضا فقيرة ومكسورة الجناح فلا محام لها ولا مدافع يرفع أمامك مخاصمة قضائية بتهمة سب الطفلة والتشهير بها
– مريم أيضا صعيدية ب (كحكة) في رأسها ورداء مسكين ولا أعلم كيف سمحوا لها أن تدخل الوزارة بهذا الكم من المصرية والصعيدية والغلب والكرامة في آن واحد
– مريم هي لا شيء ، لا أحد ، لا مستقبل، ولا أمل ….
استريحت؟؟؟
رغم كل ده ، السؤال ليك يا بروفيسور
ليه قابلها رئيس الحكومة ؟
وليه الحكومة كلها بتترعش؟
وليه يخلوا امثالك، يطلعوا في التلفزيون يهينوا طفلة مصرية بتبحث عن حقها؟
الحقيقة أن مريم البسيطة دي لفت شعب بحاله حوالين مصريتها وظلمها وجسدت بلد وجيل كامل شاف فيها قضيته الشخصية فإن نصرها أنتصر وان خذلها انكسر …
مريم النحيلة دي رفعت اسمنا لفوق عشان كسرة خاطرها وتفوقها المغتال في الوقت اللي انت كل يوم بتعر البلد وبتعر الزمالك وبتعر القضاء وبتعر المحامين مع كل كلمة شريرة بتخرج منك
مريم الباكية دي أرجل منك وأشرف منك وبكره تبني البلد وتقود الجيل …. ويسألوها : محطمكيش كلام مرتضى منصور لما وقف ضدك وانتي مظلومة؟
هترد وتقول : مين مرتضى منصور ده؟؟؟