اليكم طريقة عمل كاساديا الدجاج .

[Mary Naeem]

اليكم طريقة عمل كاساديا الدجاج .


المقادير :


6 x عدد تورتيلا
3 x معلقة كبيرة عصير ليمون
2 x عدد بصلة (مقطعة صغير)
2 x معلقة صغيرة زيت عباد شمس
1 x معلقة صغيرة زعتر مجفف
1 x عدد فلفل أصفر حلو (مقطع صغير)
1 x معلقة صغيرة ملح
1 x حزمة كزبرة خضراء (مقطعة)
1 x عدد فلفل أحمر حلو (مقطع صغير)
1 x معلقة صغيرة فلفل اسود مطحون
1 x معلقة صغيرة بهارات دجاج
1 x معلقة كبيرة خل بلسميك
1 x عدد طماطم (مقطعة صغير)
½ x كيلو صدور دجاج مخلية (مقطعة شرائح)
½ x كوب جبنة جودة
½ x كوب جبنة موزريلا (مبشورة)


صوص الأفوكادو (جواكامولي) :


1 x ثمرة أفوكادو
1 x معلقة صغيرة ملح
4 x عدد قرن فلفل حامى
¼ x كوب عصير ليمون
2 x عدد فص ثوم (مهروس او مقطع لقطع صغيرة)


الطريقة :


نتبل صدور الدجاج بالليمون والملح والفلفل الأسود والبهارات والخل البلسميك والزعتر.وتغطى وتترك ساعتين فى الثلاجة على الأقل.
فى طاسة غير قابلة للالتصاق نضع معلقتين الزيت ونشوح البصل حتى تذبل.
ثم نضع الدجاج ونقلب وتترك على نار هادئة تنضج.
فى وعاء نضع الكزبرة الخضراء والفلفل الالوان والطماطم والبصل المقطع والليمون ونقلب جيدا
نضع خبز التورتيلا فى صينية ليحمص فى الفرن مدة دقيقتين.
ثم نحضر الخبز ونضع فوقة معلقتين من الجبن ثم نضع بعض من صدور الدجاج ثم نضع معلقتين من الخضار.ثم نضع فوقة رغيف عيش تورتيلا اخر ونضع ثانيا فى الفرن حتى تسيح الجبن مدة دقيقتين.
يقطع أربع مثلثات وتؤكل ساخنة. تقدم مع سور كريم . بالهنا والشفا


لتحضير صوص التقديم (اختيارى) :


هنقطع ثمرة الأفوكادو الي قطع صغيرة
في طاسة على النار بدون زيت هانحمر قرون الفلفل لمدة من 5 الى 7 دقايق
هنقطع قرون الفلفل و فصوص الثوم الي قطع صغيرة
في بولة هنضيف الأفوكادو و فوقيها كل المكونات و نهرسهم كويس جدا لحد ما يبقوا خليط واحد متجانس. و بالهنا و الشفا


ملاحظات :


يقدم مع صوص الأفوكادو (الجواكامولى)