يادنيا

[الشاعر / باسم خلف]

يادنيا الشقي
مالك بقي ومالي
قوليلي ليه كده
دا كله يجرالي
انا حملي زاد عليا
يادنيا الآسيه
ارجوكي خفي شويه
وارحمي حالي
مالي انا ومالك
ارجوكي حني عليا
مش واخده ليه بالك
خفي الاحزان شويه
صعبان عليا منك
وتملي جرحاني
يادنيا غصب عنك
ولا انتي قصداني
يادنيا الشقي
تملي ظلماني
قولي ايه بقي
مافكيش الا انا
يادنيا الشقي
تعبت كتير منك
قولي ايه بقي
شيلالي ايه عندك
كلمات الشاعر باسم خلف