تمام يا افندم

[بنت معلم الاجيال]

معجزه لمارجرجس
كان مرة رجل اعذب يعيش لوحده ف شقه ولانه موظف حكومي نزل للشغل زي كل يوم وبعدين حراميه الشقق راحوا يسرقوا الشقه بتاعته وهما بيفتحوا الباب قفشتهم الست جارته فقالت لهم بتعملوا ايه ؟قالوا لها ان الراجل صاحب الشقه بيعزل وباعتهم ينقلوا الاثاث الموجود ف الشقه..فسابتهم ...سرقوا العزال ومشيوا وبعدين جه الراجل صاحب الشقه راحت الست اللي شافت الحراميه قالت له مش انت عزلت ايه اللي جابك ?!!بصلها الراجل باستغراب وراح فتح الشقه لاقاها ابيض من الصيني بعد غسيله ...مالقاش غير تلات صور كان معلقهم صورة العدرا وصورة القديسه دميانه وصورة مارجرجس فبصلهم بعتاب وقال لمارجرجس (طيب اللي الاتنين ستات مش هاعتب عليهم (العدرا والقديسه ) حضرة الظابط بقي كان بيعمل ايه ?(مارجرجس يقصد). بعد شويه لقي ناس بينادوا عليه وبيقوله خد عزالك ياعم حقك علينا خلاص حرمنا قالهم ايه اللي حصل قالوا له انهم لما اخذوا العزال بتاعوا ف عز الظهر والشمس فوقهم وصلوا اول كوبري لاقوا ظابط واقف قالهم انهم ماينفعش يعدوا ...فرجعوا من طريق تاني لاقوا نفس الظابط واقف لهم وقالهم انهم ماينفعش يعدوا وفضلوا راحين جايين في عز الشمس ونفس الظابط يقابلهم وميعدهمش لحد ماتعبوا فرجعوا العزال ...راح الراجل بص لمارجرجس ابتسم وقاله (تمام ياااااافندم).