|
 |
 |
 |
|
رقم المشاركة : ( 1 )
02 - 01 - 2015, 05:46 PM
|
|||||||||||
|
|||||||||||
|
حكاية الميلاد  هاقول حكاية غريبة بس ما تستغربشي ... اصل الحكاية عجيبة برضو ما تستعجبشي حكاية تخصك يا سامع أيوة ما تستبعدشي اسمع وافهم كلامي أرجوك ما تستعجلشي... كان في زمان صبية عذراء واسمها مريم عاشت طاهرة ونقية وعالبر كبرت تتعلم جالها ملاك وسلم وببشره عظيمة اتكلم طاعت مشيئة الاله ولأمره بتسلـــــــم كانت يوميها مخطوبة للناصري يوسف النجار عرف حقيقة خطيبته وقال.. يارب يا ستار جاله الملاك في حلمه وقال له.. ليه تحتار دة اللي حبلت بيه ابن الاله البار ارتاح الجدع من حيرته وصفا للاله نواياه اتجوز قوام الصبية ولا حدش سمع شكواه وعاشت معاه عفيفة في بيته بظل حماه وبأمر من القيصر كان الاكتتاب مستعجل كل واحد في بلده وعشيرته لازم يتسجل اخد يوسف مراته وعلى بيت لحم واتسهل لفوا البلد ما لقيوش ولا اوضة في منزل وفي مغارة وضيعة ودة اللي كان موجود هناك جالها المخاض واتحققت الوعود ليلتها كان في رعاة سهرانة بتحرس رعيتهم شافوا ملاك في السما بانت قوام رعبتهم قال ... ما اتخافوش وخبرهم ببشره فرحتهم في بيت لحم اتولد يسوع المسيح مخلصهم وفجأة في السما ظهرت ملايكة يرنموا بأنغام المجد لله في العلا ... وعلى ألأرض السلام وبالناس المسره ... تركوا الرعاه الأغنام جريوا شافوا الصبي وبمولده تحققت الاحلام ولما المجوس شافوا نجمة في السما تلالي قالوا دي لمولد ملك وشدوا الرحال طوالي دهب ولبان ومر هدايا جابوها للغالي ودلتهم عليه النجم سجدوا ومجدوا العالي كل ده ويوسف ... يستقبل الزوار ... يشوف ويسمع كلامهم مستعجب علي صار ومريم فاهمه القضية حافظه بقلبها الاسرار عارفه ان اللي اتولد هيواجه الاخطار وآدي الحكاية يا بشر بقى لها الفين عام حكاية ولادة عجيبة ولادة رئيس السلام الي اتولد في عالمنا واتحمل لأجلنا الآلام وداق الموت عشان وبنصرة من الموت قام وهوة عايش ليومنا بيدعوا كل الأنام افتحوا ابواب قلوبكم يخلصكم للتمام بولاده يسوع الطفل الملك تنالوا خلاصكم تنولدوا ولادة جديدة وتعيشوا معاه بوئام بوجه كلامي يا ريتكم تفهموا معنى الكلام 
|
|
العرض الشجري