طريقة مميزة لإعداد السمك البوري المشوي
طريقة مميزة ولذيذة لإعداد السمك البورى المشوى المتبل للشيف محيى شوقى "أبو البنات"
المقادير:
كيلو سمك بوري مفتوح ومنظف
2 ثمرة طماطم متوسطة مقطعة مكعبات
ملعقة صغيرة شطة (حسب الرغبة)
ملعقة صغيرة كزبرة جافة مطحونة
2 بصلة متوسطة مقطعة مكعبات
¼ كوب زيت ذرة أو زيتون
2 ملعقة كبيرة عصير ليمون
كوب كرفس أخضر مفروم
ملعقة كبيرة بهارات سمك
ملعقة صغيرة بابريكا
كوب كزبرة مفرومة
10 فص ثوم مفروم
ملعقة صغيرة كمون
ملعقة صغيرة كركم
ملح وفلفل أسود
دقيق .
طريقة التحضير :
1- اخلطي بهارات السمك مع الكركم والكزبرة الجافة والبابريكا والشطة والكمون مع بعض، وضيفي عليهم كمية ملح وفلفل مناسبة وقلبيهم مع بعض كويس، وقسمي الخليط جزئين.
2- حطي البصل مع الطماطم والكرفس والكزبرة الخضراء والثوم في طبق، وضيفي عليهم جزء من خليط البهارات وملعقة عصير ليمون وقلبيهم مع بعض.
3- حطي على السمك من الخارج والداخل ملعقة عصير الليمون الثانية، والجزء الآخر من خليط البهارات وتبليه بيهم كويس، واحشيه بعد كده بخليط البصل والخضار، وغلفيه بالدقيق.
4- ضعى فى صينية ورق فويل وادهنيه بالزيت، ورصى السمك بها ورشي عليه كمية من الزيت ودخليها في الفرن لمدة ساعة أو حتى يسوى السمك .
5- رصي السمك في أطباق التقديم، ويمكن تقدميه مع سلطة طحينة ورز أبيض .
