شماس واجراس

[Haia]

من الأقوال المسموعة فى حياتنا , مقولة مشهورة وهى : ( فضايح وجورس ) ......
وفى الحقيقه أن العبارة الأصلية هى ( للفضائح تدق الأجراس ) .
وللموضوع ده قصه . أنه فى العصور القديمه , كان أى حد بيتمسك فى فعل شائن , كان بيتحكم عليه . وبعد كده ياخدوه ويمشوا بيه فى الطرقات . ويقرعوا أجراس علشان ينبهو الناس . وبكده أرتبطت الكلمتين وهم فضائح وامامها اجراس .
اليوم معانا شماس واجراس .
الشماس كان ليه حياته الخاصة . بالبلدى كده دمه خفيف . وفى رواية أخرى بيستخف دمه .
كان يحب يعلق على كل حاجه . حتى بعد الخدمه . بأستمرار كلام ...... شفتوا الست النايمه هههههههههه شوفتو الراجل اللى شكله ههههههههه
شوفتو الست اللى لابسه أحمر هههههههههه من كده كتير خالص .
ندخل للعمق شويه . الشماس عنده أبن صغير 9 سنوات. كان طبعاّ بيتعلم من بابا . أتعلم انه يعرف كل حاجه فى أى حاجه . ممكن يقعد مع الكبار ويسمع كلامهم . ممكن يتدخل كمان فى كلامهم . مفيش حاجه ممنوعة عليه . أصل هو طالع لبابا .
فى يوم من الأيام ( تانت هنيه ) جائت لزيارتهم . وطبعا أبن الشماس كان موجود قاعد معاهم . هو كبير بقى .
وفى أثناء الزياره أتجه هذا الولد الصغير إلى جانب ( تانت هنيه ) وبدأ ينظر ليها بطريقه مثيرة للدهشه . وطبعاّ ( تانت هنيه ) لاحظت هذا .
وسألته ؛ بتبص عل أيه يا حبيبى ؟؟؟
رد أبن الشماس وقال : بابا دايما بيقول عليكى أنك بوشين ( وجهين ) وأنا مش شايف غير وش واحد وبأدور على التانى !!!!!!!!!!!
ياترى مين اللى مفروض يتربى ؟؟؟؟؟؟
الطفل أم والديه .
مين اللى مفروض يتعلم أنه يضبط نفسه .
الطفل أم والديه
مين اللى مفروض يسيطر على طبيعة الذات من الأنجراف فى اللهو ؟؟
الطفل أم واليه .
كلها أسئلة محتاجة مننا أن نقف لحظه ولا نعيد خطأ مثلة فى حياتنا .
فبعض الأخطاء لها ثمن فادح