رحت الملاهي مع اصحابي يوم العيد ,, وفي وسط مانا بلعب معاهم لقيت البطاقة طارت من جيبي واحنا جوه اللعبة ومتشعلقين في الهوا
فضلت ادور عليها اول مانزلت بس خسارة ملقتهاش
جريت علي الاستعلامات قولتلهم بطاقتي ضاعت مني فلو حد لقاها ارجوكم ده رقمي اتصلوا بيا
اصحابي كملوا لعب وانا فضلت قاعد ادور في اخر مكان كنت فيه علي أمل اني الاقيها
لدرجة ان الشك دخل جوايا انا جيت بيها اصلا ولا لا
في اخر اليوم وبعد ما اصحابي خلصوا لعب .. خدنا بعضينا كلنا ومشينا
هما اتمتعوا وانا كنت بدور علي حاجه ضايعه
بس انا سألت نفسي سؤال
انا ليه ضيعت يوم حلو من عمري بدور علي حاجه ممكن اعملها بدل فاقد واطلع غيرها !!
للأسف دي حياة كل واحد فينا .. عايشين في ملاهي الدنيا بنزعل علي اشخاص سابونا بإرادتهم ونفضل نعيش علي ذكراهم العمر كله ..
هما عايشين يومهم واحنا عايشين علي امل رجوعهم .. .. عيش يومك .. ومتبكيش علي حاجه هيجي غيرها
